الماتى وبلىسى تۇرعىندارىنىڭ Whatsaap چاتتارىندا بارتوعاي سۋ قويماسىنا ءقاۋىپ تونگەنى تۋرالى اقپارات تارادى. وبلىستاعى 7 اۋىلدىڭ كوشىرىلەتىنى راس پا؟ اqshamnews.kz توتەنشە جاعداي دەپارتامەنتىنەن رەسمي جاۋاپ الدى.
"بارتوعاي سۋ قويماسى جارىلادى، ساق بولىڭىزدار!"
چاتتاردا وسىنداي جەلەۋمەن تاراعان اقپارات تۇرعىنداردى دۇرلىكتىردى.
اقپارات - فەيك!
الماتى وبلىسى، ەڭبەكشىقازاق اۋدانى اكىمدىگى اقپاراتتىڭ جالعان ەكەنىن مالىمدەدى. اكىمدىكتىڭ ايتۋىنشا ەلدى مەكەندەردە ەشقانداي ءقاۋىپ جوق.
"بارتوعاي سۋ قويماسىنداعى جاعدايعا قاتىستى تاراپ جاتقان اقپارات راستالمادى، ەلدى مەكەندەرگە ەشقانداي ءقاۋىپ جوق. ءقاۋىپتىڭ الدىن الۋ ماقساتىندا «قازگيپروۆودحوز» ينستيتۋتىنىڭ ماماندارى بوگەتتىڭ قۇرىلىمىن قوسىمشا تەكسەرىپ جاتىر. وقيعا ورنىندا الماتى وبلىسى توتەنشە جاعدايلار دەپارتامەنتىنىڭ، اۋدان اكىمدىگىنىڭ جانە د. قونايەۆ اتىنداعى ۇلكەن الماتى كانالىنىڭ ماماندارى كەزەكشىلىك ەتۋدە. جاعداي تولىق باقىلاۋدا، سۋ دەڭگەيىنە جانە گيدروتەحنيكالىق قۇرىلىمنىڭ جاي-كۇيىنە تۇراقتى مونيتورينگ جۇرگىزىلۋدە. جاعداي تۇراقتى، بارلىق قىزمەتتەر شتاتتىق رەجيمدە جۇمىس ىستەۋدە" دەلىنگەن اكىمدىك جاۋابىندا.