«براكونەر» جەدەل الدىن الۋ شاراسى جۇرگىزىلۋدە
الماتى وبلىسىندا زاڭسىز بالىق اۋلاعان براكونەر ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اعىمداعى جىلدىڭ 30 اقپانىندا “براكونەر” جەدەل-الدىن الۋ ءىس-شاراسى بارىسىندا بالقاش اۋداندىق پوليسيا ءبولىمىنىڭ قىزمەتكەرلەرى بالقاش-الاكول باسسەيندىك ينسپەكسياسىمەن بىرلەسىپ، بالقاش كولىندە زاڭسىز بالىق اۋلاعان ازاماتتى ۇستادى. زاڭ بۇزۋشى 600 مەترلىك پلاستيكالىق قىل جاسالعان اۋدى پايدالانىپ ، جالپى سالماعى 104 كگ بولاتىن ءارتۇرلى بالىقتاردى زاڭسىز اۋلاعان.
«اتالعان دەرەك ق ر قك-نىڭ 335-بابى 1-بولىگى بويىنشا تىركەلدى. ايعاق زات رەتىندە جامبىل وبلىسىنىڭ ازاماتىنان 104 كگ بالىق (كوكسەركە 85 كگ، ۆوبلا 19 كگ )، 600 مەترلىك اۋ الىندى. مەملەكەتكە كەلتىرىلگەن زالال كولەمى انىقتالۋدا»، – دەيدى بالقاش اپب باستىعى داۋرەن قۇتپانوۆ.
ەستەرىڭىزگە سالا كەتەيىك، الماتى وبلىسىنىڭ اۋماعىندا براكونەرلىك، زاڭسىز بالىق اۋلاۋ، زاڭسىز اعاش كەسۋ، جەر قويناۋىن زاڭسىز پايدالانۋ جانە تابيعاتتى قورعاۋ زاڭناماسىن بۇزۋدىڭ باسقا دا فاكتىلەرىن انىقتاۋ ماقساتىندا «براكونەر» جەدەل الدىن الۋ شاراسى جۇرگىزىلۋدە.