قاپشاعاي سۋ قويماسىندا زاڭسىز بالىق اۋلاعان براكونەر ۇستالدى.
“براكونەر” جەدەل-پروفيلاكتيكالىق ءىس-شاراسىن وتكىزۋ اياسىندا قونايەۆ قالاسىندا تابيعاتتى قورعاۋ پوليسياسىنىڭ قىزمەتكەرى مەن قاپشاعاي بالىق ينسپەكسياسى ءبولىمىنىڭ باس ماماندارىمەن بىرلەسىپ 5 قاراشادا ەڭبەكشىقازاق اۋدانىنىڭ تۇرعىنىن ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
ەر ادام وسى ايماقتاعى تىيىمعا قاراماستان، قاپشاعاي سۋ قويماسىندا موتورلى قايىق پەن ءمونوجىپتى توردى پايدالانىپ زاڭسىز بالىق اۋلاعان.
– ۇستالعان كەزدە قۇقىق بۇزۋشىدان سالماعى 32،6 كگ بالىق تاركىلەنىپ، مەملەكەتكە 376 مىڭ تەڭگە شىعىن كەلتىرگەنى انىقتالدى. زاڭسىز بالىق اۋلاۋ فاكتىسى قالالىق پوليسيادا تىركەلدى، ال تاركىلەنگەن بالىق ارنايى قابىلداعىشقا وتكىزىلدى – دەيدى قونايەۆ قالاسى پب جپقب تقت ينسپەكتورى مۇرات قۇدايبەرگەنوۆ.
براكونەرلىكتىڭ جولىن كەسۋ بويىنشا پروفيلاكتيكا جۇرگىزۋ – الماتى وبلىسىنىڭ تابيعي رەسۋرستارىن قورعاۋداعى نەگىزگى باعىتتاردىڭ ءبىرى. تابيعاتتى قورعاۋ پوليسياسى مەن باسقا دا مۇددەلى قىزمەتتەردىڭ ۇيلەسىمدى جۇمىسىنىڭ ارقاسىندا بالىق پەن باسقا دا تابيعي رەسۋرستاردى زاڭسىز الۋ جاعدايلارىن جەدەل انىقتاۋعا جانە جولىن كەسۋدە سەبەپكەر بولۋدا.