بۇل - ءۇش اۋىسىمدى وقۋدى جويۋ ءۇشىن جاسالىپ جاتقان جۇمىس.
وبلىستا 54 مەكتەپ ءۇش اۋىسىمدا جۇمىس جاساپ تۇر، دەپ حابارلايدى Almaty-akshamy.kz.
الماتى وبلىسىنىڭ ورتالىعى قونايەۆ قالاسىندا تۇڭعىش رەت تامىز كونفەرەنسياسى ءوتتى.
ايماقتاعى ءبىلىم سالاسىنىڭ وكىلدەرى باسىن قوسقان شاراعا قازاقستان رەسپۋبليكاسى وقۋ-اعارتۋ ءمينيسترى اسحات ايماعامبەتوۆ قاتىستى. ەلىمىزدىڭ باس ۇستازى وڭىردەگى مۇعالىمدەرمەن وتكەن جيىندا وبلىس اكىمىنىڭ سالاعا قاتىستى ەسەبىن تاڭدادى.
مينيستر قاتىسقان بۇل كەڭەستە الماتى وبلىسىنىڭ اكىمى مارات سۇلتانعازييەۆ اعىمداعى جىلى ءبىلىم سالاسىنىڭ بيۋدجەتى 274،7 ملرد. تەڭگەنى قۇراپ، وتكەن جىلمەن سالىستىرعاندا 34 ملرد. تەڭگەگە ارتىپ وتىرعانىن العا تارتىپ، ءبىلىم بەرۋ ۇيىمدارىنىڭ ماتەريالدىق-تەحنيكالىق بازاسىن نىعايتۋعا 4،6 ملرد. تەڭگە، وقۋلىقتار مەن وقۋ-ادىستەمەلىك كەشەندەردى ساتىپ الۋعا 2،7 ملرد. تەڭگە بولىنگەنىن جەتكىزدى.
«2022 جىلعا جەرگىلىكتى بيۋدجەت ەسەبىنەن جاڭا موديفيكاسيالىق كابينەتتەر ساتىپ الۋعا 1063،3 ملرد. تەڭگە قاراجات ءبولىنىپ، جىل سوڭىنا دەيىن 102 ءپان كابينەتى ساتىپ الىنادى»،- دەدى وبلىس اكىمى مارات ەلەۋسىز ۇلى.
الماتى وبلىسى - تۇرعىندار تىعىز ورنالاسقان ءوڭىر. مۇنداعى دەموگرافيالىق ءوسىم مەن ىشكى ميگراسياعا بايلانىستى جىل سايىن وقۋشىلار سانى ارتىپ كەلەدى. سوندىقتان دا، ايماقتا ءۇش اۋىسىمدى مەكتەپ سانىن ازايتۋ ءالى كۇنگە كۇن تارتىبىنەن تۇسكەن ەمەس.
وڭىردە 54 ءبىلىم ۇياسى ءۇش اۋىسىمدا جۇمىس جاساپ تۇر.
«وبلىستاعى مەكتەپتەردە 23 273 وقۋشى ورنى تاپشىلىعى بار. بۇگىندە ءۇش اۋىسىمدا ءبىلىم بەرۋ مەن وقۋشى ورىندارىنىڭ تاپشىلىعىن جويۋ ماقساتىندا 2022-2025 جىلدار ارالىعىندا 62 مەكتەپتىڭ قۇرىلىسىن سالۋ جوسپارلاندى. 2022 جىلى 20 ءبىلىم بەرۋ نىساندارىنىڭ قۇرىلىسى جۇرگىزىلۋدە، وعان 39،0 ملرد. تەڭگە ءبولىندى»،- دەدى مارات ەلەۋسىز ۇلى.
ايتا كەتەيىك، بيىل 12 ءبىلىم بەرۋ نىسانىنىن قولدانىسقا بەرۋ كوزدەلگەن، ونىڭ ىشىندە 8 مەكتەپ ءۇش اۋىسىمدا وقىتۋدى جويۋ ءۇشىن سالىنۋدا، 8 مەكتەپتىڭ قۇرىلىسى 2023 جىلى اياقتالادى.