الاپات ورتتەن زارداپ شەككەندەر جوق
الماتى وبلىسىنىڭ ەڭبەكشىقازاق اۋدانىندا تاۋ بوكتەرى ورتەنىپ 4 مىڭنان استام حالقى بار ەلدىمەكەنگە ءقاۋىپ ءتوندى. قىزىل جالىن قاسقاعىم ساتتە 2 گەكتار اۋماققا جايىلىپ، جايقالعان جاسىل جەلەكتىڭ ك ۇلى كوككە ۇشتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ازات اۋىلىنداعى الاپات ءورت تۋرالى حابار جەتكەندە بىردەن توتەنشە جاعدايلار قىزمەتى مىنگەن كولىكتىڭ ىزىنە تۇستىك. وقيعا ورنىنا جەتكەندە، ەلدىمەكەنگە ءتيىپ تۇرعان تاۋ جوتاسىنىڭ ورتەنىپ جاتقانىن كوردىك. قويۋ قارا ءتۇتىن، لاپىلداعان قىزىل جالىن.
جوتادا تۇتانعان قىزىل جالىن بىردەن تاراپ، بەتكەي تۇسى تۇگەل دەرلىك كۇلگە اينالىپ كەتتى. ءورتتى سوندىرۋگە توتەنشەلىكتەردەن بولەك، اۋىل تۇرعىندارى دا اتسالىسىپ جاتىر. دەگەنمەن، ءقاۋىپ ءالى سەيىلمەدى. بوكتەردەگى بۇتا مەن ءشوپتىڭ قۇرعاق بولۋى ءورتتىڭ تەز تارالۋىنا سەبەپ بولدى.
ءورت شىققان اۋماققا جەتۋ ءۇشىن شامامەن 20-25 مينۋتتاي ۋاقىت كەتتى. مۇندا شىعۋدىڭ ءوزى قيىن. مۇنداعى جاعدايدى ايتاتىن بولساق، ءورت تولىعىمەن ءسوندى. ءقاۋىپ تە سەيىلدى. مۇنداعى ءورت سوندىرۋشىلەر مويىنعا ارتىلعان مىندەتتى تولىق اتقارىپ، اۋىلعا تونگەن ءقاۋىپتىڭ بەتىن قايتاردى.
«ءورت 2 گەكتار اۋماققا تارادى. ءبىز ءسوندىرۋ بارىسىندا انىقتادىق. ەندى ءبىزدىڭ ارنايى ماماندار تاۋداعى ءورتتىڭ قايدان شىققاننىن زەرتتەيتىن بولادى. ەگەر بىرەۋدىڭ قاساقانا ارەكەتى بولىپ شىقسا، ول مىندەتتى تۇردە جاۋاپقا تارتىلادى»، – دەدى ەڭبەكشىقازاق اۋداندىق تجب باستىعى راحمان كاريمجان.
الاپات ورتتەن زارداپ شەككەندەر جوق. ايتا كەتەيىن، جىل باسىنان بەرى ءبىر الماتى وبلىسىنىڭ وزىندە 200-دەن استام دالا ءورتى تىركەلگەن.