الماتى وبلىسندا كوۆيد جۇقتىرۋ قارقىنى باسەڭسىدى
16.06.2021 جىلعى دەرەك بويىنشا، وبلىستا كوروناۆيرۋسپەن اۋىرۋدىڭ زەرتحانالىق راستالعان 26 852 جاعدايى تىركەلدى. سوڭعى تاۋلىكتە اۋىرعاندار سانى – 31، ءوسىم دەڭگەيى – 0،1 %، دەپ حابارلادى Almaty-akshamy.kz. وبلىس اكىمى باسپا ءسوز قىزمەتىنىڭ حابارىنا سىلتەمە جاساپ.
سونىڭ ىشىندە تالعار اۋدانىندا، تالدىقورعان قالاسىندا – 7-دەن، ەڭبەكشىقازاق، قاراتال اۋداندارىندا – 4-تەن، قاراساي اۋدانىندا – 3، جامبىل اۋدانىندا – 2، ىلە، كەربۇلاق، پانفيلوۆ اۋداندارى مەن تەكەلى قالاسىندا – 1-دەن اۋرۋ فاكتىلەرى تىركەلگەن.
01.08.2020 جىلدان بەرى انىقتالماعان پنيەۆمونيانىڭ 4785 دەرەگى تىركەلدى، سوڭعى تاۋلىكتە 3 جاعداي انىقتالدى. ونىڭ 2-ەۋى – قاپشاعاي قالاسىندا، 1-ەۋى – جامبىل اۋدانىندا.
16.06.21 جىلعى مالىمەت بويىنشا، پسر تاسىلىمەن 706 544 ادام زەرتحانالىق تەكسەرۋدەن ءوتتى، سونىڭ ىشىندە سوڭعى ءۇش كۇندە تەكسەرىلگەندەر سانى – 4713.
قازىرگى كەزدە ستاسيونارلىق ەمدى 703 ادام قابىلداۋدا، سونىڭ 30-ىنىڭ جاعدايى اۋىر. ءبىر تاۋلىكتە اۋرۋحانالارعا 46 ادام تۇسكەن، 125 ادام شىعارىلدى. ينفەكسيالىق توسەك-ورىن تولىمدىلىعى – 34،6%.
وتكەن تاۋلىكتە كوروناۆيرۋس ينفەكسياسىنان 12 ادام جازىلدى.
16.06.2021 جىلعى دەرەك بويىنشا، COVID-19 ينفەكسياسىنا قارسى ۆاكسينانىڭ ءى كومپونەنتىن 4907 ادام، ءىى كومپونەنتىن 159 072 ادام سالدىرعان. جالپى ءى كومپونەنت 272 666 ادامعا، ءىى كومپونەنت 168 324 ادامعا سالىندى.