500-گە جۋىق جۇمىس ورنى قۇرىلاتىن بولادى.
«Karlskrona LC AB» ءجشس-نىڭ جاڭا جوباسى جۇما كۇنى قونايەۆتا الماتى وبلىسىنىڭ باسشىلىعىمەن كەزدەسۋ بارىسىندا تانىستىرىلدى. كاسىپورىننىڭ باس ديرەكتورى ءۋاليحان احمەتوۆتىڭ ايتۋىنشا، جوبانىڭ قۇنى شامامەن 100 ملن دوللاردى قۇرايدى، دەپ حابارلايدى Almaty-akshamy.kz.
«كاسىپورىندا 500-گە جۋىق جۇمىس ورنى قۇرىلاتىن بولادى. پايدالانۋعا بەرۋ 2023-2024 جىلدارى جوسپارلانىپ وتىر. ءونىمنىڭ 40%-نا دەيىن ەكسپورتتاۋ جوسپارلانۋدا»، - دەلىنگەن وبلىس اكىمىنىڭ باسپا ءسوز قىزمەتىنىڭ حابارلاماسىندا.
قازىرگى ۋاقىتتا كومپانيا جەر تەلىمىن ىزدەستىرۋدە – ونەركاسىپ الاڭى ءۇشىن 10 گا جانە كومپانيا قىزمەتكەرلەرى ءۇشىن تۇرعىن ءۇي سالۋ ءۇشىن قوسىمشا جەر قاجەت. سونداي-اق، كومپانيا زاۋىت جانىنان ماشينا جاساۋ سالاسىندا جوعارى بىلىكتى كادرلاردى دايارلاۋ بويىنشا ءبىلىم بەرۋ كلاستەرىن ۇيىمداستىرۋعا دايىن.
«ءبىز تەك ءوز قاجەتتىلىكتەرىمىز ءۇشىن عانا ەمەس، جالپى، ءوڭىر ءۇشىن دە كادرلار ازىرلەپ شىعاراتىن ۇستاحانا بولۋعا دايىنبىز. زاۋىت جانىنان كوللەدج نەمەسە ۋنيۆەرسيتەت قۇرۋدى جوسپارلاپ وتىرمىز»، - دەدى ءۋاليحان احمەتوۆ.
وبلىس اكىمى مارات سۇلتانعازييەۆ اتاپ وتكەندەي، جوبا ەكونوميكالىق قۇرامداس بولىگىمەن قاتار وڭىردەگى ءبىلىم بەرۋ كلاستەرىن دامىتۋ تۇرعىسىنان دا قىزىقتى.
وزدەرىڭىز بىلەتىندەي، الماتى وبلىسىندا اكادەميالىق قالاشىق سالۋ جوسپارلانۋدا، ول ءتۇرلى وندىرىستەرمەن، يندۋستريالىق ايماقپەن قابىسۋى ءتيىس. وسىعان بايلانىستى كادرلاردى دايارلاۋدىڭ تەوريالىق بولىگى ءبىلىم بەرۋ ۇيىمى بازاسىندا، ال پراكتيكالىق بولىگى وندىرىستە وتەتىن دۋالدى وقىتۋدى دامىتۋ باسىم باعىتتاردىڭ ءبىرى بولىپ تابىلادى. ءوڭىر باسشىسى جوبانى ودان ءارى پىسىقتاۋدى تاپسىردى.
ايتا كەتەيىك، «Karlskrona LC AB» جشس-سۋمەن جابدىقتاۋ، مۇناي-گاز، تاۋ-كەن ونەركاسىبى جانە اتوم ەنەرگەتيكاسى سالاسىنداعى سورعى، ەلەكتروتەحنيكا، بلوك-مودۋلدىك جانە باسقا دا ىلەسپە جابدىقتاردى شىعارۋعا ماماندانعان ماشينا جاساۋ كومپانياسى.