بۇل 30 مىڭ جىل بۇرىنعى تۇرمىستىق قۇرالدار.
ارحەولوگ عالىمدار ورينياك مادەنيەتىنە ءتان قۇرالداردىڭ جاسى شامامەن 31-28 مىڭ جىلدى قۇرايتىنىن بولجادى، دەپ حابارلايدى aqshamnews.kz
“سولتۇستىك تيان-شان تاۋلارىنىڭ ەتەگىندە ارحەولوگتار ەۋروپادا كەڭىنەن تارالعان ورينياك مادەنيەتىنە ءتان وڭدەۋ تەحنيكاسىمەن جاسالعان قۇرالداردى انىقتادى. بۇل مادەنيەت العاش رەت يسپانيا، فرانسيا، بەلگيا جانە انگليادا تابىلعان. كەيىنىرەك ۇقساس ارتەفاكتىلەر كاۆكاز، تاياۋ شىعىس جانە ورتا شىعىستا تابىلدى. قازاقستاننىڭ وڭتۇستىك-شىعىسىنداعى 1ء-شى جانە 3ء-شى ۇزىناعاش تۇراقتارىنان تابىلعان بۇل قۇرالدار ورينياكتىق نۋكلەۋس (قۇرالداردى نەمەسە ولاردىڭ دايىندامالارىن قاشاۋ ءۇشىن قولدانىلاتىن يادرو)، دوعا ءتارىزدى سكرەبكالار جانە باسقا دا ارنايى قۇرالداردان تۇرادى. زەرتتەۋلەردى ءا.مارعۇلان اتىنداعى ارحەولوگيا ينستيتۋتى مەن رەسەي عىلىم اكادەمياسىنىڭ ارحەولوگيا ينستيتۋتىنىڭ بىرلەسكەن توبى جۇرگىزگەن” دەلىنگەن حابارلامادا.
زەرتتەۋشىلەر بۇل جاڭالىقتار قازاقستان تاريحىنا جانە ەجەلگى ادامداردىڭ تىرشىلىك ەتۋ قۇرالدارىن زەرتتەۋگە ۇلكەن ۇلەس قوساتىنىن ايتتى.