25-29 قاراشا ارالىعىندا الماتى وبلىسىنىڭ ەسىرتكى قىلمىسىنا قارسى كۇرەس قىزمەتكەرلەرى تۇزەۋ مەكەمەلەرى اكىمشىلىگىنىڭ وكىلدەرىمەن بىرلەسىپ، قاماۋداعىلار اراسىندا ەسىرتكى قۇرالدارىنىڭ بولۋىن انىقتاۋ بويىنشا رەيد جۇرگىزدى، دەپ حابارلايدى aqshamnews.kz
ءىس-شارانىڭ ماقساتى – باس بوستاندىعىنان ايىرۋ ورىندارىندا تىيىم سالىنعان زاتتاردىڭ زاڭسىز اينالىمىن انىقتاۋ جانە جولىن كەسۋ. ءتىنتۋ بارىسىندا تۇتقىنداعىلاردىڭ كامەرالارى، ولاردىڭ جەكە زاتتارى، جالپى جانە قىزمەتتىك ءۇي-جايلارى مۇقيات تەكسەرىلدى. قىزمەتتىك يتتەر مەن ارنايى تەحنيكالىق قۇرالداردى پايدالانا وتىرىپ، ەسىرتكى زاتتارىن نەمەسە ولاردى پايدالانۋعا ىقپال ەتەتىن قۇرالداردى تابۋعا باعىتتالعان ەگجەي-تەگجەيلى تەكسەرۋلەر جۇرگىزىلدى.
رەيد ناتيجەلەرى بويىنشا تىيىم سالىنعان زاتتار تابىلعان جوق، الايدا ۇيىمداستىرۋشىلار تۇراقتى باقىلاۋدىڭ ماڭىزدىلىعىن اتاپ كورسەتەدى. مۇنداي ءىس-شارالار ەسىرتكىنىڭ تۇزەۋ مەكەمەلەرىنە ەنۋىنە جول بەرمەيدى جانە قاۋىپسىزدىكتى نىعايتادى.