“ۋچاسكە” ءجپىش وتكىزۋ بارىسىندا الماتى وبلىسىنىڭ پوليسەيلەرى مال ۇرلاۋشىلار توبىن ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
– كريمينالدىق پوليسيا قىزمەتكەرلەرى جامبىل اۋدانىنىڭ اۋماعىندا ەكى كۇدىكتىنى ۇستاۋ بويىنشا جۇمىستار جۇرگىزدى. ءقازىر ولاردىڭ ءۇش مال ۇرلىعىنا قاتىسى انىقتالدى، – دەپ اتاپ ءوتتى وبلىستىق كريمينالدىق پوليسيا باسقارماسى.
بارىمتاشىلار بارلىق مال ۇرلىقتارىن ءبىر سحەمامەن جاساعان، ولار مال قاراۋسىز جايىلاتىن جەرلەردى تاڭدايتىن. سودان كەيىن مالدى سول جەردە سويىپ، ەتىن كولىكتىڭ جۇكسالعىشىنا تيەپ الىپ كەتەتىن. كۇدىكتىلەر ۋاقىتشا ۇستاۋ يزولياتورىنا قامالدى. ولاردىڭ باسقا دا وسىعان ۇقساس قىلمىستارعا قاتىسىنىڭ بار-جوعى تەكسەرىلىپ، بارلىق قاجەتتى تەرگەۋ ارەكەتتەرى جۇرگىزىلۋدە.