“ۋچاسكە” جەدەل-پروفيلاكتيكالىق ءىس-شاراسى بارىسىندا پاترۋلدىك پوليسيا باتالونىنىڭ قىزمەتكەرلەرى Mercedes Benz E300 اۆتوكولىگىن توقتاتقان.
كولىك جۇرگىزۋشىسى بولجام بويىنشا ەسىرتكىگە ماس كۇيدە بولعان، دەپ حابارلايدى aqshamnews.kz Polisia.kz-كە سىلتەمە جاساپ.
اۆتوكولىكتى تەكسەرۋ كەزىندە سالوننان 134 گرامم ماريحۋانا تابىلىپ، تاركىلەندى. مەديسينالىق كۋالاندىرۋ قورىتىندىسى بويىنشا جۇرگىزۋشىنىڭ ەسىرتكى قۇرالدارىن قولدانعانىن انىقتادى. كولىك قۇرالىن ماساڭ كۇيدە باسقارعانى ءۇشىن جۇرگىزۋشى 15 تاۋلىككە قاماۋعا الىنىپ، 7 جىلعا جۇرگىزۋشى كۋالىگىنەن ايىرىلدى. ەسىرتكى زاتتارىن زاڭسىز ساقتاۋ فاكتىسى بويىنشا قىلمىستىق ءىس قوزعالدى، تەرگەۋ جالعاسۋدا.