5 مىڭعا جۋىق فەرمەر قاتىسادى.
الداعى كۇندەرى الماتى وبلىسىندا مال شارۋاشىلىعىنىڭ كورمەسى وتەدى. ۇزدىك مالشىلار ماراپاتتالادى، دەپ حابارلايدى Almaty-akshamy.kz.
«2022 جىلدىڭ 16-19 ماۋسىم ارالىعىندا «انگۋس قازاقستان» رەسپۋبليكالىق پالاتاسى «ارقارلى مايبۇيرەك» ج ش س بىرلەسىپ، الماتى وبلىسى، الاكول اۋدارىندا «Lepsi 2022» مال شارۋاشىلىعى كورمەسىن وتكىزەدى»، - دەلىنگەن اشم باسپا ءسوز قىزمەتىنىڭ حابارلاماسىندا.
كورمەگە قازاقستاننىڭ بارلىق وڭىرلەرىنەن 5 مىڭعا جۋىق فەرمەر قاتىسادى.
ءىس-شارا باعدارلاماسىندا قازاقستان، اقش، كانادا، ۇلىبريتانيا چەحيا، ەستونيا، رۋمىنيا، وزبەكستان، قىرعىزستان، موڭعوليا جانە رەسەي وكىلدەرىنىڭ قاتىسۋىمەن مال وسىرۋشىلەردىڭ حالىقارالىق سەزى بار.
بۇدان بولەك، شىنجىلى جانە كولباي اۋىلدارىنداعى شارۋاشىلىقتارعا تۋر ۇيىمداستىرىلىپ، انگۋس، گەرەفورد، اقباس، كالمىسكايا، سانتا گەرترۋدا، ليمۋزين تۇقىمدارى اراسىندا «2022 جىلدىڭ چەمپيون تۇقىمى»، «2022 جىلدىڭ ءابسوليۋتتى چەمپيونى» جانە ۇساق مال تۇقىمدارى اراسىندا «ءابسوليۋتتى چەمپيون - 2022» بايقاۋى، الامان بايگە مەن قازاق كۇرەسىنەن تۋرنير وتەدى.
ءىس-شارا اياسىندا ۇزدىك مال وسىرۋشىلەر قازاقستاننىڭ اۋىل شارۋاشىلىعى مينيسترلىگىنىڭ اتىنان ماراپاتتالاتىن بولادى.
كورمە قازاقستان رەسپۋبليكاسى اۋىل شارۋاشىلىعى مينيسترلىگى مەن قازاقستاننىڭ ەت وداعىنىڭ قولداۋىمەن وتكىزىلەدى.