ارنايى شەشىم دايىندالىپ، تالقىلاۋعا ءتۇستى.
وبلىس اكىمدىگى مەن ءماسليحاتى «الماتى وبلىسىنىڭ كەيبىر اكىمشىلىك-اۋماقتىق بىرلىكتەرىن قايتا اتاۋ تۋرالى» شەشىم دايىندادى، دەپ حابارلايدى Almaty-akshamy.kz Egemen.kz سىلتەمە جاساپ.
اتاپ ايتقاندا، الماتى وبلىسىنىڭ تومەندە كورسەتىلگەن اۋىلدارى مەن اۋىلدىق وكرۋگتەرىن قايتا اتاۋ جوسپارلانۋدا:
- ىلە اۋدانىنىڭ ەنەرگەتيكالىق اۋىلدىق وكرۋگى - وتەگەن باتىر اۋىلدىق وكرۋگىنە؛
- چاپايەۆ اۋىلدىق وكرۋگى جانە ىلە اۋدانىنىڭ چاپايەۆ اۋىلى - بايكەن اۋىلدىق وكرۋگىنە جانە بايكيت اۋىلىنا؛
- ىلە اۋدانىنىڭ مەجدۋرەچەنسك اۋىلدىق وكرۋگى جانە مەجدۋرەچەنسك اۋىلى - اقساي اۋىلدىق وكرۋگىنە جانە اقساي اۋىلىنا؛
- ىلە اۋدانى ەنەرگەتيكالىق اۋىلدىق وكرۋگىنىڭ پوكروۆكا اۋىلى - كەنەن ازىربايەۆ اۋىلىنا؛
- ىلە اۋدانى كازسيك اۋىلدىق وكرۋگىنىڭ كومسومول اۋىلى - جايناق اۋىلىنا؛
- تالعار اۋدانى پانفيلوۆ اۋىلدىق وكرۋگىنىڭ قىزىل تۋ-4 اۋىلى - جىبەك جولى اۋىلى بولىپ.
شەشىم جوباسى 11 تامىزعا دەيىن اشىق نقا سايتىندا جاريا تالقىلاۋ ءۇشىن ورنالاستىرىلعان.