جۇرگىزۋشىگە قاتىستى ءىس قوزعالدى
الماتى وبلىسىندا جىلقىنى كولىكپەن ادەيى باسقان جۇرگىزۋشىگە قاتىستى اكىمدىك تۇسىنىكتەمە بەردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«ىلە اۋدانىندا جول تالعامايتىن كولىكپەن جىلقىنى ادەيى باسقان وقيعا شىلدەنىڭ 16-دا بولعان. ءقازىر جۇرگىزۋشىگە قاتىستى ق ر قىلمىستىق كودەكسىنىڭ 316-بابى «جانۋارلارعا قاتىگەزدiك جاساۋ» دەرەگى بويىنشا ءىس قوزعالدى. وبلىستىق پوليسيا دەپارتامەنتىنىڭ باسپا ءسوز قىزمەتى وقيعا باسشىلىقتىڭ نازارىنا الىنعانىن جەتكىزدى»،- دەپ جازدى ءوزىنىڭ Facebook-تەگى پاراقشاسىندا الماتى وبلىسى اكىمىنىڭ باسپا ءسوز قىزمەتىنىڭ جەتەكشىسى عالىمۇرات جۇكەل.
ايتا كەتەيىك، ەر ادامنىڭ جول تالعامايتىن كولىكپەن جىلقىنى قاساقانا تۇردە باسىپ جاتقان ۆيدەوسى جەلىگە تارااعان بولاتىن. ۆيدەو اۆتورى جىلقىنى باسقان ادامدى پوليسيا الىپ كەتىپ، ارتىنشا بوستاندىققا جىبەرە سالعاندىعىنا شاعىمدانادى.
«مىنا جىگىت كەشە ءبىزدىڭ جىلقىمىزدى كولىكپەن باسقان. كەشە تۇندە پوليسيا الىپ كەتكەن. ال بۇگىن بوستاندىقتا ءجۇر. بۇل نە ماسقارا!» - دەيدى ۆيدەوعا ءتۇسىرىپ تۇرعان اۆتور.
ال پوليسيا كۇدىكتىنىڭ ارنايى قولحاتپەن بوساتىلعانىن حابارلادى.
«16 شىلدە كۇنى ىلە اۋدانىنداعى مەجدۋرەچينسك اۋىلىنىڭ 38 جاستاعى تۇرعىنى كورشىسىمەن جانجالداسىپ، ونىڭ جىلقىسىن قاساقانا تۇردە جول تالعامايتىن كولىكپەن باسقان. ءقازىر كۇدىكتىنىڭ ۇستىنەن ق ر قك 316 بابى (جانۋارلارعا قاتىگەزدiك جاساۋ) بويىنشا ءىس قوزعالدى. ارنايى قولحاتپەن بوساتىلدى»، - دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.