قازىرگى كەزدە جول اپاتىنىڭ ءمان-جايى انىقتالىپ جاتىر
تالعار اۋدانىندا بەس بىردەي كولىك سوقتىعىستى. ولاردىڭ ىشىندە پوليسيانىڭ ارنايى پاترۋلدىك اۆتوماشيناسى دا بار، دەپ حابارلايدى Almaty-akshamy.kz Sputnik قازاقستانعا سىلتەمە جاساپ.
وبلىستىق پوليسيا دەپارتامەنتى ۇسىنعان مالىمەتكە سايكەس، جول اپاتى بۇگىن تاڭعى ساعات 08:30-دا بولعان. بەس كولىكتىڭ سوقتىعىسقان ءساتى دالاداعى بەينەباقىلاۋ كامەراسىنا جازىلىپ قالدى.
«Subaru Legacyء-دىڭ 24 جاستاعى جۇرگىزۋشىسى الماتى - كوكپەك – كوكتال تاس جولىنىڭ 26-شاقىرىمىندا رولگە يە بولا الماي، جولدىڭ قارسى بەتىنە شىعىپ كەتكەن. سول كەزدە Kia Cadenza ماركالى پاترۋلدىك كولىككە سوعىلدى. ودان كەيىن ينەرسيامەن Lada Largus، Subaru Outback پەن Mitsubishi Galant-تى سوقتى»، - دەيدى پوليسەيلەر.
جول اپاتى كەزىندە پاترۋلدىك كولىكتە بولعان ءۇش پوليسەي عانا زارداپ شەكتى. ولاردى ەسىك قالالىق اۋرۋحاناعا جەتكىزگەن. دارىگەرلەردىڭ كومەگىنەن كەيىن بارلىعى ۇيىنە جىبەرىلدى.
قازىرگى كەزدە پوليسەيلەر جول اپاتىنىڭ ءمان-جايىن انىقتاپ جاتىر.