الماتى – كوكپەك – كوكتال – شونجى تراسساسىنىڭ 80-شاقىرىمىندا بولعان جول-كولىك وقيعاسىنان ءتورت ادام كوز جۇمدى، دەپ حابارلايدى اqshamnews.kz ءتىلشىسى وبلىستىق پد باسپا ءسوز قىزمەتىنە سىلتەمە جاساپ.
الدىن الا مالىمەت بويىنشا، 5 جەلتوقساندا Audi A6 كولىگىنىڭ جۇرگىزۋشىسى رولگە يە بولا الماي، قارسى باعىتقا شىعىپ كەتكەن. سول ساتتە ول قارسى باعىتتا كەلە جاتقان Nissan Cefiro اۆتوكولىگىمەن سوقتىعىسقان.
«جول اپاتى سالدارىنان ەكى كولىكتىڭ دە جۇرگىزۋشىلەرى مەن ەكى جولاۋشى العان جاراقاتتارىنان وقيعا ورنىندا قازا تاپتى. تاعى ءۇش جولاۋشى ءتۇرلى دەنە جاراقاتتارىمەن اۋرۋحاناعا جەتكىزىلدى»، – دەلىنگەن پوليسيا اقپاراتىندا.
ءقازىر اتالعان فاكتى بويىنشا سوتقا دەيىنگى تەرگەۋ جۇرگىزىلىپ جاتىر. جول اپاتىنىڭ بارلىق ءمان-جايى انىقتالىپ جاتىر، ءىستىڭ بارىسى وبلىستىق پوليسيا دەپارتامەنتى باسشىلىعىنىڭ باقىلاۋىنا الىنعان.