كوبىنىڭ ماشيناسىندا جانارماي تاۋسىلىپ قالعان.
الماتى وبلىسىندا جوعالىپ كەتكەن وتباسى مۇشەلەرى امان-ەسەن تابىلدى. بۇل تۋرالى Almaty-akshamy.kz تجم سىلتەمە جاساپ حابارلايدى.
«رەسپۋبليكالىق جەدەل-قۇتقارۋ جاساعى توبىنىڭ جانە قونايەۆ قالاسى جەدەل-قۇتقارۋ جاساعىنىڭ كۇشىمەن بارتوعاي سۋ قويماسى جاعىنان فەسەنكوۆ اتىنداعى استروفيزيكا ينستيتۋتىنىڭ وبسەرۆاتورياسىنا جەتپەي 40-قا جۋىق اۆتوماشينا تابىلدى. ادامداردىڭ سانى انىقتالۋدا، الدىن الا مالىمەت بويىنشا زارداپ شەككەندەر جوق. جوعالىپ كەتكەن 7 ادامنان تۇراتىن وتباسى دا سول جەردە ەكەن. كوبىنىڭ ماشيناسىندا جانارماي تاۋسىلىپ قالعان. قازىرگى ۋاقىتتا قۇتقارۋشىلاردىڭ كۇشىمەن اۆتوكولىكتەرگە جانارماي قۇيۋ جانە ادامداردى ماشينالارىمەن كولوننا ارقىلى ەۆاكۋاسيالاۋ جۇمىستارى جۇرگىزىلۋدە»، - دەلىنگەن حابارلامادا.
ەسكە سالساق، بۇگىن تاڭەرتەڭ الماتى وبلىسى توتەنشە جاعدايلار دەپارتامەنتىنىڭ كەزەكشى ءبولىمى پۋلتىنە وتباسىنىڭ جوعالىپ كەتكەنى تۋرالى حابارلاما ءتۇستى. سونىمەن قاتار جوعالىپ كەتكەن وتباسىن ىزدەۋ جۇمىستارى كۇشەيتىلگەن ەدى.