جەڭىل اۆتوكولىكتىڭ جولاۋشىسىنىڭ قولى سىنىپ، اۋرۋحاناعا ءتۇستى.
الماتى وبلىسىندا جەڭىل كولىك پويىزعا سوعىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وقيعا ورنىنان تۇسىرىلگەن سۋرەتتەر الەۋمەتتىك جەلىدە پايدا بولدى.
«قازاقستان تەمىر جولى» باسپا ءسوز قىزمەتىنىڭ مالىمەتىنشە، جول اپاتى 1 ماۋسىم كۇنى تاڭعى ساعات 6:00 شاماسىندا الماتى وبلىسىنىڭ بۇرىنداي – جەو-2 ۋچاسكەسىندە بولعان.
«كولىك جۇرگىزۋشىسى 35 ۆاگونى بار مانيەۆرلىك تەپلوۆوزعا جول بەرمەي، وتكەلگە شىعىپ كەتكەن. ماشينيست جەدەل تەجەگىشتى باسقان. ۆاگونداردىڭ رەلستەن شىعىپ كەتۋىنە جول بەرىلمەدى. جەڭىل اۆتوكولىكتىڭ جولاۋشىسىنىڭ قولى سىنىپ، اۋرۋحاناعا ءتۇستى، جۇرگىزۋشى زارداپ شەككەن جوق»، - دەپ حابارلادى كومپانيادان.
قازىرگى ۋاقىتتا پويىز باسقا لوكوموتيۆ ارقىلى جولدان شىعارىلدى. تەمىرجول وتكەلى كولىك قوزعالىسى ءۇشىن اشىق.
«كىرمە جولى جەو-2-گە، تەپلوۆوز جەكە مەنشىككە تيەسىلى. وقيعانىڭ الدىن الا سەبەبى - كولىك جۇرگىزۋشىسىنىڭ جول قوزعالىسى ەرەجەسىن بۇزۋى»،- دەپ اتاپ ءوتتى كومپانيادان.