جەل ەلەكتر ستانسياسىنىڭ جالپى قۇنى - 12،67 ملرد تەڭگە.
الماتى وبلىسىنىڭ شەلەك دالىزىندە قۋاتتىلىعى جىلىنا 50 مۆت بولاتىن جاڭا جەل ەلەكتر ستانسياسى (جەس) ىسكە قوسىلدى، دەپ حابارلايدى Almaty-akshamy.kz
جوبانى ماماندارىنىڭ جاڭارتىلاتىن ەنەرگيا كوزدەرى (جەك) سالاسىنداعى ۇقساس جوبالاردى ىسكە اسىرۋ جانە ىسكە قوسۋدا 10 جىلدان استام تابىستى تاجىريبەسى بار قازاقستاندىق «جەرۇيىق-ەنەرگو» ج ش س كومپانياسى جۇزەگە اسىردى.
جاڭا جەل ەلەكتر ستانسياسى ەلەكتر قۋاتىنىڭ تاپشىلىعىن ازايتۋعا كومەكتەسەدى دەپ بولجانۋدا. جوبا اياسىندا دانيالىق VESTAS كومپانياسى شىعارعان وزىق تەحنولوگيالار مەن جابدىقتاردى پايدالانا وتىرىپ، 25 مۇنارا ورناتىلدى. كومپانيا 75 جىلدان استام تاجىريبەسى بار جەك نارىعىنداعى الەمدىك كوشباسشىلاردىڭ ءبىرى بولىپ تابىلادى.
جەل ەلەكتر ستانسياسىنىڭ جالپى قۇنى - 12،67 ملرد تەڭگە. قۇرىلىس 2019 جىلى باستالعانىمەن، ءبىراق پاندەميانىڭ كەسىرىنەن قۇرىلىس توقتاتىلدى. جۇمىس 2021 جىلى جالعاستى – كومپانيا بەكىتىلگەن وندىرىستىك كەستەگە سايكەس قۇرىلىمداردىڭ قۇرىلىسىن جانە باسقا دا جۇمىستاردى بەلسەندى تۇردە جالعاستىردى.
جوبا ەنەرگەتيكا مينيسترلىگىنىڭ ەنەرگيا ءوندىرۋشى ۇيىمدارىنىڭ تىزىمىنە ەنگىزىلگەن.
ايتا كەتۋ كەرەك، KAZAKH INVEST كومەگىمەن «جەرۇيىق-ەنەرگو» پرەفەرەنسيالار الۋ ءۇشىن ينۆەستيسيالىق كەلىسىمشارتقا قول قويدى.
بۇل جوبانى جۇزەگە اسىرۋ ايتارلىقتاي قوسىمشا ەنەرگيا ءوندىرۋشى قۋاتتاردى ىسكە قوسۋ ارقىلى الماتى وبلىسىندا ەلەكتر ەنەرگياسىنىڭ تاپشىلىعىن ازايتۋعا مۇمكىندىك بەرەدى.