الماتى مەن جاركەنت تاس جولىندا پوليسەيلەر گراناتالار قويماسىن تاپتى.
الماتى وبلىسىنىڭ پوليسيا دەپارتامەنتىنىڭ ساپەرلارى جاسىرىن قويمادان جاياۋ اسكەرگە قارسى بولشەكتەۋ گراناتاسى ف-1 جانە رگد-5ء-تى الىپ شىقتى، دەپ حابارلايدى Almaty-akshamy.kz.
العاشىندا قارۋ-جاراق قويماسى تۋرالى اقپاراتتى اقمولا وبلىسى بويىنشا قىلمىستىق اتقارۋ جۇيەسىنىڭ جەدەل قىزمەتكەرلەرى العان. قىلمىستىق-اتقارۋ جۇيەسى دەپارتامەنتىنىڭ قىزمەتكەرلەرى بۇل اقپاراتتى الماتى وبلىسىنىڭ پوليسياسىنا جەتكىزدى.
"جاركەنت-الماتى تاس جولىنىڭ بويىندا جول بەلگىسىنىڭ استىنان وق-دارىلەر قويماسى تابىلدى. اشىق جەردە، تىكەلەي جول بەلگىسىنىڭ استىنان گراناتالار قويماسى تابىلدى"، - دەپ حابارلادى قىلمىستىق ىزدەستىرۋ دەپارتامەنتى.