ىشكى ىستەر مينيسترلىگىنىڭ ەسىرتكى قىلمىسىنا قارسى ءىس-قيمىل دەپارتامەنتىنىڭ قىزمەتكەرلەرى اۋماقتىق بولىمشەلەرمەن بىرلەسىپ “قۇقىقتىق ءتارتىپ” رەسپۋبليكالىق وپەراسياسىن جۇرگىزۋ كەزىندە ەسىرتكىنىڭ ءىرى پارتيالارىن تاركىلەدى
الماتى وبلىسىندا الماتى قالاسىنىڭ ەكى تۇرعىنى ۇستالدى. ولار جەكە ءۇيدىڭ اۋماعىندا سينتەتيكالىق ەسىرتكى وندىرەتىن ەسىرتكى زەرتحاناسىن ۇيىمداستىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءۇي-جايلاردى ءتىنتۋ كەزىندە 3 توننا پرەكۋرسور (ەسىرتكى ءوندىرۋ جانە دايىنداۋ كەزىندە پايدالانىلاتىن زاتتار)، زەرتحانالىق قۇرال-جابدىق (رەاكتور، شىنى كولبالار) جانە 55 كەلى مەفەدرون پسيحوتروپتىق زاتىنىڭ دايىن ءونىمى تاركىلەندى.
سەمەي پوليسەيلەرى الماتى قالاسىنىڭ، اباي جانە الماتى وبلىستارىنىڭ اۋماعىندا ەسىرتكىنى وتكىزۋ بويىنشا ينتەرنەت-دۇكەن ۇيىمداستىرعان الماتى قالاسىندا تۇراتىن 4 تۇرعىنعا قاتىستى ۇزاق مەرزىمدى تەكسەرۋ وپەراسياسىن اياقتادى.
ءىس-شارا ءبىر مەزگىلدە الماتى جانە سەمەي قالالارىندا جۇرگىزىلدى. ءتىنتۋ بارىسىندا 8 ەسىرتكىنى ءبۋىپ-تۇيۋ ماتەريالدارى، اقشالاي قاراجاتتار مەن نوۋتبۋكتەر تاركىلەندى. جۇرگىزىلگەن وپەراسيانىڭ قورىتىندىسى بويىنشا ينتەرنەت-دۇكەننىڭ قىزمەتى توقتاتىلدى. كۇدىكتىلەر ۇستالدى.
قاراعاندى وبلىسىنداعى قىلمىستىق-اتقارۋ جۇيەسى مەكەمەلەرىنىڭ بىرىندە جەدەل-ىزدەستىرۋ ءىس-شارالارىن جۇرگىزۋ كەزىندە سوتتالعاندارعا سالەمدەمەلەر ارقىلى ەسىرتكى زاتتارىن جەتكىزۋ ارناسى جويىلدى.
جامبىل وبلىسىنىڭ پوليسەيلەرى تاراز قالاسىندا ۇزاق ۋاقىت بويى ءىرى كولەمدە گەروين جەتكىزۋمەن جانە وتكىزۋمەن اينالىسقان 63 جاستاعى تۇرعىندى ۇستادى. جەدەل-پروفيلاكتيكالىق ءىس-شارانىڭ 10 كۇنىندە پوليسيا زاڭسىز اينالىمنان 337 كەلى ءتۇرلى ەسىرتكى، ونىڭ ىشىندە 87 كەلى سينتەتيكالىق ەسىرتكى جانە 7 مىڭنان استام ترامادول دارىلىك پرەپاراتتىڭ تابلەتكاسى تاركىلەندى.
اقپارات كوزى Polisia.kz سايتىندا: https://polisia.kz/almaty-oblysynda-esirtki-zerthanasy-zhojyldy-55-keli-mefedron-tarkilendi/