الماتى وبلىسىندا ديزەل وتىنى بويىنشا جاعداي رەتتەلەدى

ەنەرگەتيكا مينيسترلىگىنىڭ مالىمەتىنشە، وڭىرگە ديزەلدىڭ قوسىمشا كولەمى جونەلتىلەدى.

الماتى وبلىسىنداعى ديزەل تاپشىلىعىنا بايلانىستى ەنەرگەتيكا مينيسترلىگى «قازمۇنايگاز»، «Petrosun» جقس جەلىلەرى وكىلدەرىنىڭ قاتىسۋىمەن كەڭەس وتكىزدى، دەپ حابارايدى اlmaty-akshamy.kz.

مينيسترلىكتەن مالىمدەگەندەي، ءقازىر الماتى وبلىسىنداعى ديزەل وتىنىنىڭ قورى 11 مىڭ توننادان اسادى. جانارماي قۇيۋ ستانسيالارىنىڭ (جقس) دەرەگىنشە، بۇگىندە بار ديزەل كولەمى قاجەتتىلىكتى جابۋ ءۇشىن جەتكىلىكتى.

الايدا، جقس جەلىلەرىنىڭ اقپاراتى بويىنشا بۇگىن ديزەل وتىنىنا دەگەن سۇرانىس 30% استام مولشەرگە ارتقان. سالدارىنان كەيبىر جانارماي قۇيۋ بەكەتتەرىندە وتىننىڭ تاۋلىكتىك كولەمى تەز تاۋسىلعان.

ەنەرگەتيكا مينيسترلىگىنىڭ مالىمەتىنشە، وڭىرگە ديزەلدىڭ قوسىمشا كولەمى جونەلتىلەدى.

«سوندىقتان جەلىلەر باسشىلىعى وتىندى كوپ تۇتىناتىن اۋداندارعا تيەپ-جونەلتۋدى ارتتىرۋ تۋرالى شەشىم قابىلدادى. سونىمەن قاتار اتىراۋ مۇناي وڭدەۋ زاۋىتى جانە پاۆلودار مۇناي-حيميا زاۋىتىنان 5 000 توننا وتىن جونەلتىلدى. «قازاقستان تەمىرجولى كومپانياسى» ۋاقتىلى تاسىمالداۋدى قامتاماسىز ەتەدى»، - دەلىنگەن مينيسترلىكتىڭ سايتىندا جاريالانعان حابارلامادا.

بۇعان دەيىن شىمكەنت مۇناي وڭدەۋ زاۋىتى جوندەۋ جۇمىستارىنا بايلانىستى جابىلعان ەدى. دەگەنمەن ول بۇگىن جۇمىسىن قايتا باستادى. اتالعان زاۋىتتا وڭدەلگەن مۇناي ونىمدەرىنىڭ العاشقى لەگى دەمالىس كۇندەرى جونەلتىلەدى.

«بۇل رەتتە الماتى وبلىسىن قوسا العاندا، وڭتۇستىك وڭىرلەرگە ءبىرىنشى كەزەكتە جونەلتۋ قامتاماسىز ەتىلەدى. سونداي-اق الماتى وبلىسىنىڭ اۋىل شارۋاشىلىعى تاۋارىن وندىرۋشىلەرىنە قوسىمشا 3 مىڭ توننا ديزەل وتىنى بولىنەتىن بولادى»، - دەپ ءمالىم ەتتى ۆەدومستۆودان.