براكونەرلەر كيىك مۇيىزدەرىن 26 قوراپقا ءبولىپ سالعان.
كەشە الماتى وبلىسى اۋماعىنان 3 براكونەر ۇستالدى، دەپ حابارلايدى Almaty-aksham.kz قازاقپاراتقا سىلتەمە جاساپ.
«28 شىلدە كۇنى ساعات 15:06 شاماسىندا الماتى وبلىسىنىڭ قۇقىق قورعاۋ ورگاندارى، ۇلتتىق قاۋىپسىزدىك كوميتەت جانە «وحوتزووپروم» مەكەمەسىنىڭ ينسپەكتورلارىمەن بىرلەسكەن ءىس-شارا وتكىزۋ بارىسىندا الماتى وبلىسى، ىلە اۋدانىنىڭ اۋماعىندا ءۇش براكونەردى ۇستادى. ولار: بقو، الماتى وبلىسى جانە جۇڭگو حالىق رەسپۋبليكاسىنىڭ (قحر) تۋماسى. تەكسەرۋ بارىسىندا 2 284 دانا كيىك ءمۇيىزى تابىلىپ، تاركىلەندى»، - دەلىنگەن ق ر ەكولوگيا گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ حابارلاماسىندا.
حابارلامادا ايتىلعانداي، براكونەرلەر كيىك مۇيىزدەرىن 26 قوراپقا ءبولىپ سالعان.
ءقازىر اتالعان فاكتىگە قاتىستى ق ر قك 339-بابى 1-1-بولىگى بويىنشا قىلمىستىق ءىس قوزعالدى. تەرگەۋ امالدارى ءجۇرىپ جاتىر.