كوميسسيا ۇيىمداستىرىلىپ، شىعىندار ەسەپتەلۋدە.
قاتتى جاۋىننىڭ سالدارىنان الماتى وبلىسىنىڭ كەگەن اۋدانىنداعى تۇمەنباي اۋىلىندا بىرنەشە ءۇيدىڭ اۋلاسىن سۋ باستى، دەپ حابارلايدى Almaty-akshamy.kz اۋداندىق اكىمدىكتىڭ باسپا ءسوز قىزمەتىنە سىلتەمە جاساپ.
«23 ماۋسىم كۇنى ساعات 17-40-دا شاماسىندا كەگەن اۋدانى، تۇمەنباي اۋىلىندا نوسەر جاڭبىر سالدارىنان اۋىل ءىشى كوشەلەرىن تاۋدان اققان سۋ باستى. تاۋ سۋى 1 تۇرعىن ءۇي كىرگەن جانە 11 ءۇيدىڭ اۋلاسىن باسقان. وقيعا ورنىنا اۋدان اكىمى، كەگەن اۋىلدىق وكرۋگىنىڭ اكىمى، توتەنشە جاعدايلاردىڭ الدىن الۋ ءبولىمىنىڭ قىزمەتكەرلەرى باردى. توتەنشە جاعدايدىڭ سالدارىن جويۋعا بىرنەشە تەحنيكا جۇمىلدىرىلدى. ادامدار زارداپ شەكپەگەن»، - دەلىنگەن كەگەن اۋدانى اكىمدىگىنىڭ باسپا ءسوز قىزمەتى تاراتقان حابارلامادا.
ءقازىر كوميسسيا ۇيىمداستىرىلىپ، تۇرعىن ۇيلەر مەن اۋلالارعا كەلگەن شىعىندار ەسەپتەلۋدە.