تالعار اۋداندىق سوتىنىڭ سۋدياسى ەرالى بەكبايەۆ قانداي تارتىپتىك جازا ءۇشىن قىزمەتىنەن بوساتىلعانى بەلگىلى بولدى.
ايتا كەتەيىك، اقپاندا پرەزيدەنت جارلىعىمەن 23 سۋديا قىزمەتىنەن بوساتىلدى. تالعار اۋداندىق سوتىنىڭ سۋدياسى ەرالى بەكبايەۆ تەرىس قىلىق جاساعانى ءۇشىن بوساتىلدى، دەپ حابارلايدى Almaty-akshamy.kz.
جوعارعى سوت كەڭەسىندە ەرالى بەكبايەۆ سۋديالىق ەتيكاعا قايشى كەلەتىن تەرىس قىلىق جاساعانى ءۇشىن تارتىپتىك جاۋاپكەرشىلىككە تارتىلعانى ايتىلدى.
«سۋديا اۋداندىق سوت اپپاراتىنىڭ قىزمەتكەرىنە بالاعات ءسوز ايتىپ، دورەكى تۇردە قارىم-قاتىناس جاسادى. پرەزيدەنتتىڭ 2024 جىلعى 22 اقپانداعى № 486 جارلىعىمەن ە.ە. بەكبايەۆ الماتى وبلىسى تالعار اۋداندىق سوتىنىڭ سۋدياسى قىزمەتىنەن سوت ءجيۋريىنىڭ تارتىپتىك تەرىس قىلىق جاساعانى ءۇشىن سۋديانى قىزمەتىنەن بوساتۋ قاجەتتىگى تۋرالى شەشىمى نەگىزىندە بوساتىلدى»، - دەپ جازىلعان سوت كەڭەسىنىڭ جاۋابىندا.