الماتىدان 40 شاقىرىم جەردە ايگىلى يسپاندىق كلۋبتىڭ اكادەمياسى ءوز جۇمىسىن باستادى، دەپ حابارلايدى aqshamnews.kz
مۇندا قازاقستاننىڭ ءار وڭىرىنەن ىرىكتەلگەن 120 جاس فۋتبولشى يسپان فۋتبولىنىڭ ادىستەمەسى بويىنشا دايىندالادى. وقۋشىلاردى تاڭداۋدا ولاردىڭ فيزيكالىق دايىندىعىمەن قاتار پسيحولوگيالىق قابىلەتتەرىنە دە ءمان بەرىلدى.
اكادەميا زاماناۋي ينفراقۇرىلىممەن قامتىلعان: جاتتىعۋ الاڭدارى، دەنە شىنىقتىرۋ زالدارى جانە تەوريالىق ساباقتارعا ارنالعان اۋديتوريالار بار. جاسوسپىرىمدەردىڭ ءبىر بولىگى گرانت نەگىزىندە ءبىلىم السا، قالعاندارى اقىلى تۇردە وقيدى.
2026 جىلدان باستاپ اكادەميا تاربيەلەنۋشىلەرى ەل چەمپيوناتتارىنا، سونداي-اق QJ-ليگاسى مەن حالىقارالىق تۋرنيرلەرگە قاتىسادى. الداعى ۋاقىتتا نىسان اۋماعىندا قوسىمشا بەس فۋتبول الاڭىن سالۋ جوسپارلانعان.
ساراپشىلاردىڭ پىكىرىنشە، «اتلەتيكو مادريد» اكادەمياسىنىڭ اشىلۋى قازاقستانداعى جاسوسپىرىمدەر فۋتبولىنىڭ دامۋىنا سەرپىن بەرەدى.