الماتى وبلىسىنداعى رەسپۋبليكالىق جولداردىڭ ءبىرقاتار ۋچاسكەلەرى اقتۇتەك بوران تۇرىپ، اينالانىڭ كورىنۋ دەڭگەيىنىڭ ناشارلاۋىنا بايلانىستى جابىلدى، دەپ حابارلايدى Almaty-akshamy.kz.
"قازاۆتوجول" جشس-نىڭ الماتى وبلىستىق فيليالى حابارلاعانداي، اۋا رايىنىڭ ناشارلاۋىنا بايلانىستى (اقتۇتەك بوران، اينالانىڭ ناشار كورىنۋى) 2022 جىلعى 26 قاراشادا مىنا جول ۋچاسكەلەرىندە اۆتوكولىكتىڭ بارلىق تۇرلەرى ءۇشىن قوزعالىس شەكتەلدى:
"الماتى-شەلەك-قورعاس": 136-246 كم، بايسەيىت-شونجى اۋىلدارى، ەڭبەكشىقازاق اۋدانى، ۇيعىر اۋدانى (ساعات 20:30-دان باستاپ)؛
"كوكپەك-كەگەن-تۇپ": 0-26 كم، كوكپەك-اقساي اۋىلدارى، ەڭبەكشىقازاق اۋدانى (ساعات 21: 30-دان باستاپ)؛
"الماتى-كوكپەك-كوكتال-قورعاس": 135-230 كم، بايسەيىت-كوكپەك اۋىلدارى، ەڭبەكشىقازاق اۋدانى (ساعات 19: 00-دەن باستاپ).
"الماتى-وسكەمەن": 16-241 كم (ساعات 19:40-تان باستاپ)؛
"الماتى-تاشكەنت-تەرمەز": 20-143 كم، رايىمبەك اۋىلى، قاراساي اۋدانى، جامبىل وبلىسىنىڭ شەكاراسى (ساعات 22:30-دان باستاپ).
الماتى وبلىستىق تجد ازاماتتاردان وسى باعىتتاعى جول جۇرىسىنەن باس تارتۋدى جانە جولعا شىعار الدىندا الار باعىتىن الدىن الا جوسپارلاپ الۋدى سۇرايدى، سونداي-اق 112 قىزمەتى جولداعان سمس-حابارلامالاردى نازاردان تىس قالدىرماۋدى دا ەسكەرتەدى.