ەسكەرتكىشتىڭ اۆتورى مادەنيەت سالاسىنىڭ ونەر قايراتكەرى ەركىن احمەتوللا ۇلى
سارقان اۋدانىندا تاۋەلسىزدىكتىڭ 30 جىلدىعىنا وراي الديار باتىرعا ارنالعان ەڭسەلى ەسكەرتكىش اشىلدى، دەپ حابارلايدى Almaty-akshamy.kz اۋدان اكىمدىگىنىڭ باسپا ءسوز قىزمەتىنە سىلتەمە جاساپ.
«وتكەنسىز بۇگىن جوق، بۇگىنسىز بولاشاق جوق»، - دەگەن ۇلاعاتتى ءسوزدى ەستەن شىعارماي تاريحتا ءىزى قالعان تۇلعالارعا تاعزىم ەتۋدى قاسيەتتى پارىزىمىزدىڭ ءبىرى.
ءاربىر قازاق - ۇلىن ۇلىقتاپ، باتىرىن ۇرانداپ كوتەرەتىن وتكەنىنە قۇرمەتپەن قارايتىن دارا ەل. اۋدانىمىزدا سوناۋ وتكەن عاسىرلاردىڭ وزىندە قول باستاپ، ەلىنە جالاۋ بولا بىلگەن جاۋ جۇرەك باتىرلارىمىز از بولماعان بىلەمىز. سولاردىڭ بىرەگەيى، سادىر رۋىنان شىققان الديار بابامىز.
ەل ۇرانىنا اينالعان ءباھادۇر بابامىزعا ارناپ قويىلعان تاس ءمۇسىن ارقىلى، كەلەر ۇرپاققا ۇلگى ونەگە بولارى ءسوزسىز»، - دەدى اۋدان اكىمى تالعات قانات ۇلى.
الديار ەلەكە ۇلى، جاۋگەرشىلىك زاماندا ەلگە پانا بولىپ، جەر قورعاعان باتىر بابامىز 1641-1712 جىلدار ءومىر سۇرگەن. ول قازاق-قالماق، قازاق-قوقان، ءقازاق-شۇرشىت شايقاستارىنا قاتىسقان. تاۋكە حاننىڭ قول باستار سەنىمدى جولداسى بولا بىلگەن حاس باتىر.
ورناتىلعان ەسكەرتكىشتىڭ بيىكتىگى 5 مەتر، سالماعى 5 توننانى بولاتىن تاس ءمۇسىن تازا قولادان قۇيىلعان. ەندى، ساپارعا شىققان جولاۋشىلار باتىردىڭ اق باتاسىمەن ۇلكەن ساپارعا اتتانباق.
ەڭسەلى ەسكەرتكىشتىڭ اۆتورى ق ر مۇسىنشىلەر وداعىنىڭ مۇشەسى، مادەنيەت سالاسىنىڭ ونەر قايراتكەرى ەركىن احمەتوللا ۇلى.
سونداي-اق، داڭقتى قولباسشى الديار ەلەكە ۇلىنىڭ رۋحىنا ارنالعان ۇلكەن اس بەرىلدى.
اۋدان ورتالىعى سارقان قالاسىنداعى م.تىنىشبايەۆ اتىنداعى الاڭدا قازاق ەستراداسىنىڭ انشىلەرى رامازان ستامعازييەۆ، سەرىكبول سايلاۋبەك جانە «اعايىندىلار» توبى كەلىپ، جۇرتشىلىققا كونسەرتتىك باعدارلاماسىن ۇسىندى.
وسىناۋ يگى ىسكە قولداۋ تانىتقان «بابالار رۋحى» قوعامدىق قورىنا، اۋدانىمىزدىڭ جومارت جاندى ازاماتتارىنا جانە بارشا اۋدان تۇرعىندارىنا شىنايى العىس بىلدىرەمىز!
ايتا كەتكەن ءجون، دەمەۋشىلەردىڭ كومەگىمەن ەسكەرتكىشتى ورناتۋعا 46 ملن.تەڭگە قاراجات جۇمسالعان.