الماتى وبلىسىندا اۋماعى 6 گەكتار قاراسورا القابى انىقتالدى، بۇل بىرنەشە فۋتبول الاڭىنا تەڭ، - دەپ حابارلايدى aqshamnews.kz ءتىلشىسى وبلىستىق پروكۋراتۋراعا سىلتەمە جاساپ.
ۆەدومستۆو مالىمەتىنشە، ماريحۋانا القابى رايىمبەك اۋدانىنا قاراستى قىزىلشەكارا اۋىلىندا تابىلعان.
"6 گەكتار اۋماقتا جابايى قاراسورا القابى انىقتالىپ، ارنايى تەحنيكا كومەگىمەن جويىلدى. بۇل وپەراسيا ەسىرتكى قۇرالدارىنىڭ تارالۋىنا جول بەرمەۋ جانە اۋدانداعى ەسىرتكى احۋالىن باقىلاۋدى كۇشەيتۋ ماقساتىندا جۇرگىزىلدى"، – دەپ مالىمدەدى پروكۋراتۋرا.
بۇعان دەيىن قازاقستاندا ونەركاسىپتىك ماقساتتا قاراسورا وسىرۋگە رۇقسات ەتىلەتىنى حابارلانعان بولاتىن. ءماجىلىس ءتيىستى زاڭ جوباسىن ساۋىردە ءبىرىنشى وقىلىمدا ماقۇلداعان. ەسىرتكى بيزنەسىنە قارسى ءىس-قيمىل كوميتەتى كاسىپكەرلەرگە 4 ليسەنزيا بەرگەن. ءىىم وكىلدەرى حالىقتى الاڭداماۋعا شاقىرىپ، قۇرامىندا تەتراگيدروكاننابينول مولشەرى تومەن قاراسورانىڭ ماريحۋانادان ايىرماشىلىعى بار ەكەنىن ايتتى.