استاناداعى قۇرىلىس الاڭدارىنىڭ بىرىندە كران قۇلاپ، كران جۇرگىزۋشىسى قازا تاپتى. الدىن الا مالىمەت بويىنشا، قايعىلى وقيعا كەشە بولعان، - دەپ حابارلايدى اqshamnews.kz ءتىلشىسى.
"كەشە بولعان وقيعا. ول داۋىلعا قاراماستان جۇمىس ىستەپ جاتقان. اۋىر جابىن پليتالارىن ورناتىپ جاتقان. وتباسىنداعى جالعىز ۇل ەدى"، - دەدى دەرەككوز.
سونداي-اق، مارقۇمنىڭ جاسى 30-دا بولعانى، ال وتباسى تاشكەنتتەن استاناعا كوشىپ كەلگەنى حابارلاندى.
استانا پوليسياسى كران ءماشينيسىنىڭ قازا تاپقانىن راستاپ، تەرگەۋ باستالعانىن ايتتى. پوليسيا مالىمەتىنشە، وقيعا 18 شىلدە، جۇما كۇنى، شامامەن ساعات 20:00-دە بولعان.
"قۇرىلىس الاڭىندا جۇمىس جۇرگىزۋ كەزىندە قۇرىلىس كرانى قۇلاپ ءتۇستى. كابينا ىشىندە بولعان ەر ادام العان جاراقاتتارىنان وقيعا ورنىندا كوز جۇمدى"، - دەپ مالىمدەدى دەپارتامەنتتىڭ باسپا ءسوز قىزمەتى وكىلدەرى.
قۇرىلىس جۇمىستارى كەزىندە قاۋىپسىزدىك ەرەجەلەرىنىڭ بۇزىلۋىنا بايلانىستى قىلمىستىق ءىس قوزعالدى.
"وقيعانىڭ بارلىق ءمان-جايىن انىقتاۋ ماقساتىندا تەرگەۋ جۇرگىزىلىپ جاتىر"، - دەپ تولىقتىردى پوليسيا.