الماتى وبلىسىنىڭ پوليسيا دەپارتامەنتى، وبلىستىق پروكۋراتۋرا قىزمەتكەرلەرى جانە باسقا مۇددەلى ورگاندارىمەن بىرلەسىپ “باقىتتى جانە ءقاۋىپسىز بالالىق شاق” جوباسى جۇزەگە اسىرىلىپ جاتىر.
بۇل جوبا بالالاردىڭ قۇقىقتارىن قورعاۋعا باعىتتالعان، ونىڭ نەگىزگى ماقساتى زورلىق-زومبىلىق قاۋپىندە تۇرعان نەمەسە وعان ۇشىراعان بالالاردى انىقتاۋ. ءار اۋداندا جانە قونايەۆ قالاسىندا پروكۋراتۋرا، پوليسيا، قورعانشىلىق جانە قامقورشىلىق، الەۋمەتتىك قورعاۋ، دەنساۋلىق ساقتاۋ، پسيحولوگتار، ۇكىمەتتىك ەمەس ۇيىمدار جانە باسقا مۇددەلى ورگانداردىڭ قىزمەتكەرلەرى قاتارىنان موبيلدىك توپتار قۇرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
موبيلدىك توپتار قاراشادا 400-دەن استام وتباسىنى تەكسەردى، ونىڭ ىشىندە پوليسيا جانە پروباسيا ورگاندارىندا ەسەپتە تۇرعان تۇلعالار، تۇرمىسى قولايسىز، تولىق ەمەس جانە تابىسى از وتباسىلار، سونداي-اق بالالار وگەي اكەلەرىمەن تۇراتىن وتباسىلار.
مىسالى ىلە اۋدانىندا اشتان جۇدەۋ، سويلەۋگە جانە جۇرۋگە مۇرشاسى قالماعانعان 6 جاسار بالا انىقتالدى. بالا جەدەل تۇردە “ەكى جاقتى پنيەۆمونيا” دياگنوزىمەن اۋداندىق اۋرۋحاناعا جاتقىزىلىپ، وعان مەديسينالىق كومەك كورسەتىلدى. اتا-انا ق ر اقبتك-نىڭ 127-بابىنىڭ 2-بولىگى (كامەلەتكە تولماعان ادامدى تاربيەلەۋ جانە (نەمەسە) وعان ءبىلىم بەرۋ، ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماۋ) بويىنشا اكىمشىلىك جاۋاپكەرشىلىككە تارتىلىپ، قورعانشىلىق جانە قامقورشىلىق ورگانى اتا-انا قۇقىقتارىن شەكتەۋ تۋرالى تالاپپەن سوتقا جۇگىندى.
رايىمبەك اۋدانىندا ءۇش بالاسى اشتان جۇدەۋ وتباسى انىقتالدى. ولارعا مەديسينالىق كومەك كورسەتىلىپ، قىسقى ءقيىم ساتىپ الىندى، ەكى بالا جازىلعان سوڭ بالاباقشاعا، ال ۇلكەنى مەكتەپ ينتەرناتقا ورنالاستىرىلاتىن بولادى.
بالقاش اۋدانىندا ءۇش وتباسىندا وگەي اكەلەر بالالاردى ۇرىپ-سوققانى انىقتالدى، پوليسيا ورگاندارىمەن كىنالى تۇلعالارعا قاتىcتى ق ر اقبتك-نىڭ 73-2-بابى (ۇرىپ-سوعۋ) بويىنشا اكىمشىلىك قۇقىق بۇزۋشىلىق تۋرالى ىستەر قوزعالدى. جالپى، بىرىككەن رەيدتەر ناتيجەلەرى بويىنشا اكىمشىلىك جاۋاپكەرشىلىككە 51 اتا-انا تارتىلدى، ونىڭ ىشىندە 38 تۇلعا ق ر اقبتك-نىڭ 127-بابى بويىنشا (كامەلەتكە تولماعان ادامدى تاربيەلەۋ جانە (نەمەسە) وعان ءبىلىم بەرۋ، ونىڭ قۇقىقتارى مەن مۇددەلەرىن قورعاۋ جونىندەگى مىندەتتەردى ورىنداماۋ)؛ 7 تۇلعا اقبتك-نىڭ 440-بابى بويىنشا (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ)؛ 3 تۇلعا ق ر اقبتك-نىڭ 73-2-بابى بويىنشا (ۇرىپ-سوعۋ)؛ 2 تۇلعا اقبتك 442-بابى بويىنشا (كامەلەتكە تولماعانداردىڭ زاڭدى وكىلدەرىنىڭ ەرىپ ءجۇرۋىنسىز تۇنگى ۋاقىتتا ويىن-ساۋىق مەكەمەلەرىندە نەمەسە تۇرعىنجايدان تىس جەردە بولۋى)؛ 1 تۇلعا ق ر اقبتك-نىڭ 73-1-بابى بويىنشا (دەنساۋلىققا قاساقانا جەڭىل زيان كەلتىرۋ). ازىق-تۇلىك، كومىر جانە بالالارعا جىلى كيىم تۇرىندە ماتەريالدىق كومەك 86 وتباسىعا كورسەتىلدى. مەديسينالىق تەكسەرۋدەن 901 بالا ءوتتى، 16 بالا اۋرۋحاناعا جاتقىزىلدى. تۇرعىن-ۇيگە كەزەككە 152 بالا قويىلىپ، 2 وتباسىعا ءتۇرعىن-ۇي الۋعا كومەك كورسەتىلدى. بالالاردىڭ قاتىسۋىمەن 8 ءىس-شارا وتكىزىلدى، پروكۋرورلار مەكتەپتەردە ءتۇرلى تاقىرىپتاردا 496 ءدارىس وقىدى.