وبلىستا كوروناۆيرۋسقا قارسى ۆاكسينانىڭ ءبىرىنشى دوزاسىن 513 109 ادام العان.
الماتى وبلىسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە، بۇل كورسەتكىش وسى وڭىردەگى جۇرتشىلىقتىڭ 42%-ىن قۇرايدى، دەپ حابارلايدى Almaty-akshamy.kz
اتالمىش باسقارمانىڭ بولجاۋىنشا، قىركۇيەك ايىنىڭ سوڭىنا دەيىن جەتىسۋلىقتاردىڭ 60%-ى ەكپە الادى. ۆاكسينا الۋ – پاندەميانى توقتاتۋدىڭ جالعىز جولى. الماتى وبلىسىندا ەپيدەميولوگيالىق احۋال ناشارلاۋدا، وبلىس «قىزىل» ايماقتا تۇر.
«2020 جىلدىڭ ناۋرىز ايىنان بەرى وڭىردە كوروناۆيرۋستىڭ 29 872 راستالعان كورسەتكىشى تىركەلگەن. ولاردىڭ 19 167ء-سى – سيمپتوممەن. سوڭعى اپتادا الاكول، بالقاش، ەڭبەكشىقازاق، ىلە، قاراساي، قاراتال، رايىمبەك، تالعار اۋداندارىندا ءوسىم قارقىنى بايقالۋدا. سوڭعى تاۋلىكتە 178 كۆي جاعدايى تىركەلگەن. «دەلتا» شتامى ەكى ادامنان انىقتالدى»، - دەدى الماتى وبلىسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسپا ءسوز حاتشىسى ءاليا شاعياحمەت.