الماتى وبلىسى مەن قالاسى – ەڭ ءقاۋىپتى ايماق

بيىل جەر ءدۇمپۋى جيىلەپ كەتتى.

قازاقستان جەر سىلكىنىسى كوپ تىركەلگەن 101 ەلدىڭ ىشىندە 17-ورىندا تۇر، دەپ حابارلايدى aqshamnews.kz

Earthquakelist.org پورتالىنىڭ دەرەگى بويىنشا 1 قاڭتاردان 25 قاراشاعا دەيىن قازاقستاندا ماگنيتۋداسى 4-تەن جوعارى 259 جەر سىلكىنىسى تىركەلگەن.

بۇل سان قازاقستاندىقتار سەزىنگەن سىلكىنىستەردەن الدەقايدا كوپ كورىنەدى. مۇنىڭ سەبەبى ەسەپتەۋ ادىستەمەسىندە: رەيتينگ قۇراستىرۋشىلار ەل شەكاراسىنان 300 كم راديۋستا بولعان بارلىق سەيسميكالىق بەلسەندىلىكتى ەسكەرەدى.

قازاقستاندا سەيسميكالىق بەلسەندىلىك ناقتى ءقاۋىپ توندىرەدى. توتەنشە جاعدايلار مينيسترلىگىنىڭ ۇلتتىق سەيسمولوگيالىق زەرتتەۋلەر جانە باقىلاۋ ورتالىعىنىڭ دەرەگىنشە، ەل اۋماعىنىڭ 40%-ىندا جەر سىلكىنىسى بولۋى مۇمكىن. بۇل 7 ميلليون ادام تۇراتىن 400-دەن استام ەلدى مەكەندى قامتيدى.

2016 جىلعى قازاقستاننىڭ سەيسميكالىق اۋدانداستىرۋ كارتاسىنا سايكەس، ەڭ ءقاۋىپتى ايماقتار – الماتى وبلىسى مەن الماتى قالاسى. مۇندا ءدۇمپۋ 9 باللعا جەتۋى مۇمكىن. سونداي-اق، باسقا وڭتۇستىك جانە شىعىس ايماقتاردا 8 باللدىق سىلكىنىستەر ءقاۋپى بار. 7 باللعا دەيىنگى سىلكىنىس ءقاۋپى جوعارى ايماقتارعا اباي، شىعىس قازاقستان، جەتىسۋ، جامبىل، تۇركىستان جانە ماڭعىستاۋ وبلىستارى كىرەدى. 6 بالل بولۋى ىقتيمال جەر سىلكىنىستەرى باتىس جانە ورتالىق قازاقستاننىڭ جەكەلەگەن اۋماقتارىندا دا بولۋى مۇمكىن.