الماتى وبلىسىنىڭ تۇرعىنى اسى جايلاۋىندا وتكەن مەرەكەلىك شارادان كەيىن قايتىس بولدى، دەپ حابارلايدى Almaty-akshamy.kz.
الماتى وبلىسى اكىمدىگىنىڭ باسپا ءسوز قىزمەتىنىڭ مالىمەتىنشە، 30 ماۋسىمدا ەڭبەكشىقازاق اۋدانىندا جىل سايىنعى ءداستۇرلى Agro-Business Forum Assy-2023 فورۋمى وتكەن.
ءىس-شارا اياقتالعاننان كەيىن فورۋمعا قاتىسۋشىلاردىڭ ءبىرى ءوزىن ناشار سەزىنگەن. تاۋدا كەزەكشىلىكتە بولعان فەلدشەرلەر وعان شۇعىل مەديسينالىق كومەك كورسەتكەن، الايدا ەر ادام ەسىنە كەلمەستەن قايتىس بولعان،-دەپ جازدى BAQ.KZ.
الماتى وبلىسىنىڭ اكىمدىگى مارقۇم بايتەرەك اۋىلدىق وكرۋگى اكىمى اپپاراتىندا باس مامان بولىپ جۇمىس ىستەگەنىن حابارلادى. سول كۇنى ول مەرەكەلىك شاراعا دەمالۋشى رەتىندە بارعان.
اسى ءۇستىرتى – تەڭىز دەڭگەيىنەن 2800 مەتردەن استام بيىكتىكتە ورنالاسقان جايلاۋ.
اكىمدىك وسى جايت قىزمەتكەردىڭ ءحالىنىڭ ناشارلاۋىنا سەبەپ بولۋى مۇمكىن دەپ بولجاپ وتىر.
ارىپتەستىڭ قازاسى – ۇجىم ءۇشىن ورنى تولماس قايعى. مارقۇمنىڭ وتباسىنا ماتەريالدىق كومەك كورسەتىلەدى، - الماتى وبلىسى اكىمدىگىنىڭ باسپا ءسوز قىزمەتى