الماتىنىڭ كوپتەگەن پەداگوگتارى كوروناۆيرۋسقا قارسى ەكپە الدى
قالانىڭ ءبىلىم بەرۋ مەكەمەلەرىنىڭ باسشىلارى ۆاكسينا تۋرالى ءوز پىكىرلەرىمەن ءبولىستى جانە قالا تۇرعىندارىن جاقىندارى مەن وزدەرىنە قامقورلىق كورسەتۋگە شاقىردى، دەپ حابارلايدى Almaty-akshamy.kz.
د.ا. قونايەۆ اتىنداعى كوللەدج ديرەكتورى رايحان بولەكبايەۆا كۆي-گە قارسى ەكپە العانىن ايتتى. «مەنىڭ ويىمشا، بۇل - ءوزىڭدى جانە باسقالاردى ۆيرۋستان قورعاۋدىڭ ەڭ ءتيىمدى ءادىسى. بارلىق قازاقستاندىقتاردى دا ۆاكسينا الۋعا شاقىرامىن. ءبىز ءبىلىم بەرۋ سالاسىنىڭ قىزمەتكەرلەرى رەتىندە بالالارعا ساپالى ءبىلىم بەرۋ ءۇشىن ونلاين وقىتۋ فورماتىنان وفلاين رەجيمىنە كوشكەنىن تۇسىنەمىز. ويتكەنى، ءبىز ولارمەن ءوزارا ارالاسۋىمىز كەرەك»، - دەدى.
الماتى قالاسى ءبىلىم باسقارماسىنىڭ №95 جالپى ءبىلىم بەرەتىن مەكتەپ ديرەكتورى سابيروۆا اينۇر جۇماعازى قىزى دا سOVID-19 اۋرۋىنا شالدىققان. ول بۇگىندە مەكتەپ مۇعالىمدەرىنىڭ 80%-ى ۆاكسينا العانىن ايتتى.
«ءبىز ەكپە الدىق، ويتكەنى وقۋشىلاردى ساعىندىك. بارلىق ازاماتتاردى ۆاكسينا سالۋعا شاقىرامىن، سەبەبى دەنى ساۋ ۇلت- ءبىزدىڭ بولاشاعىمىز. سوندىقتان مەكتەپتەر ءبىزدىڭ وقۋشىلار ءۇشىن جانە ەلىمىزدىڭ بولاشاعى ءۇشىن اشىلۋى ءتيىس»، - دەدى اينۇر سابيروۆا.
الماتى مەملەكەتتىك ەنەرگەتيكا جانە ەلەكتروندىق تەحنولوگيالار كوللەدجىنىڭ ديرەكتورى تايتۋلەيەۆ تولەۋعالي مۇحامەدجان ۇلى ءوز ارىپتەستەرىنە قولداۋ كورسەتىپ، بارلىق قالا تۇرعىندارىن ۆاكسينا الۋعا شاقىردى.
«مەن ۆاكسينا سالدىرۋ كەرەك دەپ ويلايمىن. مەن ۆاكسينانىڭ ءبىرىنشى دوزاسىن ناۋرىزدىڭ باسىندا، ال ەكىنشىسىن ءساۋىردىڭ باسىندا الدىم. مەن ءۇشىن بۇل ەڭ الدىمەن ازاماتتىق پارىز بولدى: قوعام الدىنداعى پارىز، ستۋدەنتتەر مەن وتباسىم الدىنداعى بورىش. سوندىقتان ۆاكسينا الۋ قاجەت. حالىقتىڭ باسىم بولىگى ۆاكسينا راسىمىنەن وتكەن كەزدە ءبىز قالىپتى ومىرگە ورالاتىنىمىزعا سەنىمدىمىن»، - دەدى تولەۋعالي تايتۋلەيەۆ.
ەسكە سالساق، مۇعالىمدەردى ەرىكتى ۆاكسينالاۋ 2021 جىلدىڭ 3 ناۋرىزىندا باستالدى.
الماتىدا كۆي-دان بارلىعى 351 497 ادام ەكپە الدى، ونىڭ ىشىندە 5 168 پوليسيا قىزمەتكەرى، 25 427 پەداگوگ، 30 630 دارىگەر بار. بۇگىندە مەديسينالىق ۇيىمداردا، مەكتەپتەردە، مادەنيەت، سپورت نىسانداردا بازارلار مەن قالانىڭ سوسو-دا 212 ۆاكسينا پۋنكتى جۇمىس ىستەيدى.
1 260 ادامنان تۇراتىن 308 ەكپە بريگاداسى بار.