الماتى مەتروسىندا سوڭعى جىلدارى جولاۋشىلار سانى ارتقان سايىن، جارنامالىق جانە كوممەرسيالىق بەلسەندىلىك تە وسە ءتۇستى. بۇل تۋرالى Aqshamnews.kz سايتى حابارلايدى. جارنامالىق كەڭىستىكتەردىڭ جالعا بەرىلۋى قالا بيۋدجەتىنە 430 ميلليون تەڭگەدەن استام تابىس اكەلدى.
كىمگە تيەسىلى؟
"مەتروپوليتەن" كاسىپورنى جارناما قىزمەتىن تىكەلەي اتقارمايدى. جارناما مەن كوممەرسيالىق كەڭىستىكتەردى جالعا بەرۋ ماسەلەسى الماتى قالاسىنىڭ مەملەكەتتىك اكتيۆتەر باسقارماسى ارقىلى جۇزەگە اسادى. ال تۇسكەن قارجى جەرگىلىكتى بيۋدجەتكە باعىتتالادى.
ناقتى ساندار
2022 جىلدان 2025 جىلدىڭ 1 مامىرىنا دەيىن جارناما مەن ساۋدا ورىندارىنان:
- 2022 جىلى – 61،6 ملن تەڭگە
- 2023 جىلى – 120،9 ملن تەڭگە
- 2024 جىلى – 188،9 ملن تەڭگە
- 2025 جىلى (مامىرعا دەيىن) – 58،8 ملن تەڭگە
جالپى – 430،3 ملن تەڭگە بيۋدجەتكە تۇسكەن.
جولاۋشى تاسىمالىنان تۇسكەن كىرىس تە ارتۋدا:
- 2022 ج. – 1،18 ملرد تەڭگە
- 2023 ج. – 1،8 ملرد تەڭگە
- 2024 ج. – 2،17 ملرد تەڭگە
- 2025 ج. (ساۋىرگە دەيىن) – 832 ملن تەڭگە
ساراپشىلاردىڭ ايتۋىنشا، مۇنداي تاجىريبە الەمدە كەڭ تارالعان. الايدا تۇسكەن قارجىنىڭ قوعامدىق كولىك ساپاسىن جاقسارتۋعا جۇمسالۋى ماڭىزدى. بيۋدجەتكە تىكەلەي ءتۇسۋى – اشىقتىق پەن تيىمدىلىكتىڭ كورسەتكىشى.