الماتى مەتروپوليتەنىندە جول اقىسىن تولەۋدىڭ بالامالى ءتاسىلى ىسكە قوسىلدى

الماتى مەتروپوليتەنى جولاۋشىلارى جول اقىسىن QR ارقىلى تولەي الادى
 
الماتى مەتروپوليتەنىندە قالالىق قوعامدىق كولىك قىزمەتىنىڭ ساپاسىن ارتتىرۋ ماقساتىندا 16 ساۋىردەن باستاپ پيلوتتىق رەجيمدە جولاقى تولەۋدىڭ جاڭا ءتاسىلى ەنگىزىلەدى. بۇل بالامالى تولەم ءتاسىلى جولاۋشىلارعا ينتەرنەت جەلىسىنە قوسىلماي-اق QR-كود ارقىلى جولاقى تولەۋگە مۇمكىندىك بەرەدى.
اتالعان شەشىم جەراستى ينفراقۇرىلىمىنىڭ ەرەكشەلىكتەرىن ەسكەرە وتىرىپ ازىرلەنىپ، مەتروپوليتەندى پايدالانۋ ىڭعايلىلىعىن ارتتىرۋعا باعىتتالعان.
جاڭا ءتاسىل بويىنشا جولاقىنى تولەۋ ءۇشىن:
1. ONAY! قولدانباسىن تەلەفوندا اشىڭىز.
2. نەگىزگى بەتتىڭ  تومەنگى جاعىندا QR تۇيمەنىباسىڭىز.
3. «QR كودتى جاساۋ» تاڭداڭىز-ول بايلانىسبولماعان كەزدە دە جاسالادى.
4. QR كودتى تۋرنيكەتتەگى كامەراعا كورسەتىڭىز.
5. جۇيە بالانستى تەكسەرەدى، تۋرنيكەت اشىلادى.
 بۇل - جولاۋشىعا ديناميكالىق تۇردە جاسالعان QR كود ارقىلى ساپاردى تىركەۋگە مۇمكىندىك بەرەتىن تەحنولوگيا، ءموبيلدى قولدانبا ءۇشىن ينتەرنەتكە كىرۋ قاجەت ەمەس، قولدانبا وفلاين رەجيمدە كودتى شىعارادى. باسقاشا ايتقاندا، ەگەر ادەتتەگى نۇسقادا ستاتيكالىق تەرمينال QR شىعارىپ، پايدالانۋشى ونى ءموبيلدى قوسىمشانىڭ كومەگىمەن وقىتسا - بۇل تەحنولوگيا بويىنشا QR تىكەلەي قوسىمشادا جاسالادى جانە جولاۋشى ونى ارنايى كامەرامەن سكانەرلەپ تۋرنيكەتكە قول جەتكىزە الادى.
الماتى مەتروسى كولىك سالاسىنىڭ اجىراماسبولىگى بولىپ تابىلادى، كۇن سايىن مەترو 100 مىڭناناستام جولاۋشىنى تاسىمالدايدى، ونىڭ 65% - دان استامى ONAY! ءبىرىڭعاي كولىكتىك جانە جەڭىلدىگى بار كارتالارىمەن جول اقىسىن تولەيدى.
ەستەرىڭىزگە سالا كەتەيىك، مەتروپوليتەندە جولاقىسىن بىرنەشە تاسىلمەن تولەۋگە بولادى: جەتونمەن، بانك كارتاسىنىڭ كومەگىمەن، مەترونىڭ جول ءجۇرۋ اقىسىن تولىقتىراتىن سمارت-كارتاسىمەن نەمەسە ONAY! كولىك كارتاسىنىڭ كومەگىمەن. بارلىق تولەم ادىستەرى ادەتتەگىدەي قولجەتىمدى بولادى جانە QR-مەن بىرگە جۇمىس ىستەيدى.
سونىمەن قاتار، جولاۋشىلارعا ىڭعايلى بولۋى ءۇشىن بارلىق مەترو ستانسيالارى قوسىمشا جابدىقتارمەن قامتاماسىز ەتىلەتىن بولادى.