الماتى جانە تالدىقورعان قالاسىندا جانار-جاعارماي بەكەتىن توناۋشى ۇستالدى، دەپ حابارلايدى Almaty-akshamy.kz الماتى وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
پوليسيا الماتى وبلىسىنىڭ ەكى قالاسىنداعى جانارماي بەكەتتەرىنە قارۋلى شابۋىل جاساعان تالدىقورعاندىق 27 جاستاعى تاكسي جۇرگىزۋشىسىن ۇستادى.
«رەسپۋبليكالىق تاسجولدىڭ بىرىندە جەدەل ۋاكىلدەر جەڭسىز كەۋدەشە، كوزگە ارنالعان ويىقتارى بار توقىلعان باس كيىم مەن ۇرلانعان قول سومكەنى تاپتى. كۇدىكتى 27 جاستاعى تالدىقورعاندىق بولىپ شىقتى. ول جالعا «Toyota Camry» اۆتوكولىگىن الىپ، تاكسي قىزمەتىمەن اينالىسقان»، - دەدى الماتى وبلىسى پوليسيا دەپارتامەنتى باسشىسىنىڭ ورىنباسارى ەلدار ابدىكەنوۆ. سونداي-اق، رەسمي حابارلامادا ايىپتىنىڭ اۆتوكولىگىن ءتىنتۋ كەزىندە التى پاترونى بار رس-31 ريەۆولۆەرى تابىلعانى ايتىلعان. «ول قارۋدى ەكى قىلمىس جاساۋ كەزىندە دە قولدانعان. قارۋ تاركىلەنىپ، بالليستيكالىق ساراپتاماعا جىبەرىلدى»، - دەيدى ۆەدومستۆودان.