وسى كۇندەرى شانحاي قالاسىندا (قحر) ءوتىپ جاتقان ۇكىمەتارالىق كەلىسسوزدەردىڭ قورىتىندىسى بويىنشا الماتى جانە شانحاي قالالارى اراسىندا باۋىرلاستىق قاتىناستار ورناتۋعا باعىتتالعان نيەتتەستىك تۋرالى كەلىسىمگە قول قويىلدى، دەپ حابارلايدى aqshamnews.kz.
بۇل كەلىسىم باي مادەني داستۇرلەرى مەن ەلەۋلى ەكونوميكالىق الەۋەتى بار ەكى ءىرى مەگاپوليس اراسىنداعى دوستىق بايلانىستار مەن ىنتىماقتاستىقتى دامىتۋدىڭ جاڭا كەزەڭىن بىلدىرەدى.
نيەتتەستىك تۋرالى حاتقا قازاقستان رەسپۋبليكاسىنىڭ جۇڭگو حالىق رەسپۋبليكاسىنداعى ەلشىسى شاحرات نۇرىشيەۆ پەن شانحاي قالاسىنىڭ مەرى گۋن چجەن قول قويدى.
قۇجاتتا ەكونوميكا، ساۋدا، عىلىم جانە تەحنولوگيا، ءبىلىم، مادەنيەت، دەنساۋلىق ساقتاۋ جانە ءتۋريزمدى قوسا العاندا، بىرلەسكەن قىزمەتتىڭ نەگىزگى باعىتتارى ايقىندالعان. تاراپتار تەڭدىك جانە ءوزارا تيىمدىلىك قاعيداتتارىن باسشىلىققا الا وتىرىپ، اتالعان سالالاردا الماسۋ مەن ىنتىماقتاستىقتى جۇزەگە اسىرۋعا نيەتتى. اتاپ ايتقاندا، كورمەلەر، سەمينارلار، مادەني جانە عىلىمي ءىس-شارالار وتكىزۋ جوسپارلانۋدا.
الماتى مەن شانحاي اراسىندا باۋىرلاستىق قارىم-قاتىناس ورناتۋ ءتۇرلى سالالاردا بىرلەسىپ دامۋ ءۇشىن جاڭا كوكجيەكتەر اشادى، وزىق جانە ۇزدىك تاجىريبەلەرمەن الماسۋعا، سونداي-اق ءوزارا ينۆەستيسيالار مەن مادەني الماسۋعا جاردەمدەسۋگە مۇمكىندىك بەرەدى.
ايتا كەتۋ كەرەك، شانحاي - قىتايدىڭ قارجى ورتالىعى جانە الەمدەگى ەڭ ءىرى تەڭىز پورتى. شانحاي حالقىنىڭ سانى 24 870 مىڭ ادامدى قۇرايدى، 2023 جىلى قالانىڭ ءجوو 4،7 ترلن قۇرادى. جۇڭگو ءيۋانى (661،8 ملرد. اقش). شانحاي ەكونوميكاسىنىڭ جەتەكشى سالالارى قارجىلىق قىزمەتتەر، ساۋدا، لوگيستيكا، جوعارى تەحنولوگيالاردى قولداناتىن ءوندىرىس بولىپ تابىلادى.
شانحاي-ىشكى جانە حالىقارالىق ساۋدا ءۇشىن ەلدىڭ نەگىزگى پورتى، يمپورتتىڭ/ەكسپورتتىڭ قۇنى قىتايدىڭ جالپى كولەمىنىڭ 20%-ىن قۇرايدى. 2013 جىلدىڭ قىركۇيەگىندە شانحايدا ماتەريكتىك قىتايداعى العاشقى ەركىن ساۋدا ەكسپەريمەنتتىك ايماعى (ەسا) قۇرىلدى. بۇگىنگى تاڭدا بۇل ەسا الەمدىك دەڭگەيدەگى ينفراقۇرىلىممەن جابدىقتالعان جانە قالانىڭ ءجىو-نىڭ 1/4 بولىگىن جانە قىتايدىڭ بارلىق سىرتقى ساۋداسىنىڭ شامامەن 40% -ىن قۇرايتىن جاقسى دامىعان قىزمەت كورسەتۋ سەكتورىنىڭ ءۇيى بولىپ تابىلادى.