الماتى قالاسى مەن شاندۋن پروۆينسياسى تۋريزم سالاسىندا ىنتىماقتاستىق تۋرالى مەموراندۋمعا قول قويدى، - دەپ حابارلايدى اqshamnews.kz.
الماتىدا قازاقستان مەن جۇڭگو اراسىنداعى تۋريزم سالاسىنداعى ىنتىماقتاستىق تۋرالى مەموراندۋمعا قول قويىلدى. "قازاقستان – جۇڭگو" تۋريزم جىلى اياسىندا جاسالعان بۇل مەموراندۋم جۇڭگو حالىق رەسپۋبليكاسىنان تۋريستەردى تارتۋعا باعىتتالعان جاڭا ستراتەگيالىق مۇمكىندىكتەرگە جول اشادى. بۇل تۋرالى قالالىق تۋريزم باسقارماسىنان حابارلادى.
الماتى قالاسىنىڭ تۋريزم باسقارماسى مەن شاندۋن پروۆينسياسىنىڭ تۋريستىك ۇيىمدارى اراسىندا قول قويىلعان كەلىسىمدەر بىرلەسكەن تۋريستىك ونىمدەردى دامىتۋعا، قىتايدان كەلەتىن تۋريستەر اعىنىن ارتتىرۋعا جانە قالانىڭ ينفراقۇرىلىمىن كەڭەيتۋگە باعىتتالعان. بۇل قادامدار الماتىنىڭ حالىقارالىق تۋريستىك ورتالىق رەتىندەگى ورنىن نىعايتىپ، ەكى ەل اراسىنداعى مادەني جانە ىسكەرلىك بايلانىستاردى دامىتۋعا ىقپال ەتەدى.
2024 جىلى الماتى قالاسىنا قىتايدان 99 مىڭنان استام تۋريست كەلگەن، بۇل وتكەن جىلمەن سالىستىرعاندا 50%-عا كوپ. مەموراندۋم قىتايدان كەلەتىن ءتۋريزمدى دامىتۋداعى ماڭىزدى كەزەڭ بولىپ تابىلادى جانە قوناقجايلىلىق پەن تۋريزم سالاسىنداعى ۇزاق مەرزىمدى، ءوزارا ءتيىمدى ىنتىماقتاستىقتىڭ جاڭا مۇمكىندىكتەرىن اشادى.