200 قۇتقارۋشى ءتۇنى بويى سۋ تاسقىنىنىڭ الدىن الدى.
وتكەن ءتۇنى الماتى جانە جامبىل وبلىستارىنىڭ تجم بولىمشەلەرى مەن اكىمدىكتەن 200 ادام مەن 45 تەحنيكا بەس ەلدى مەكەندە تاسقىننىڭ الدىن الدى، دەپ حابارلايدى اlmaty-akshamy.kz تجم باسپا ءسوز قىزمەتىنە سىلتەمە جاساپ.
قاردىڭ كۇرت ەرۋى سالدارىنان ەگىستىكتەن اعىپ كەلگەن قىزىل سۋدى بۇرۋ ءۇشىن جەدەل جۇمىس جۇرگىزىلدى.
الدىندا سۋ باسقان اۋلا اۋماقتارىنداعى سۋدى سورۋ جۇمىسى جالعاستى.
ءبىر تۇندە جۇرگىزىلگەن سۋ بۇرۋ كانالدارىنىڭ جالپى ۇزىندىعى - 18 مىڭ مەتر، ەلدى مەكەندەرگە جاقىن جەردەگى سورىلعان سۋ 16 مىڭ تەكشە مەتردەن استى.
تۇركىستان وبلىسىندا بۇكىل تاسقىن سۋ سورىلىپ بولدى.
سىرداريا، ارىس جانە بوگەن وزەندەرىندەگى تاۋلىك بويى جۇمىس ىستەيتىن 14 سۋ بەكەتىنىڭ جۇمىسى جالعاسىپ جاتىر.