الماتى اكىمى ەربولات دوسايەۆ قىتايعا جۇمىس ساپارى اياسىندا قىتايدىڭ ەكسپورت-يمپورت بانكى (China Exim Bank) پرەزيدەنتى ۆان چۋنينمەن كەزدەستى، دەپ حابارلايدى aqshamnews.kz
كەلىسسوزدەردىڭ باستى تاقىرىبى – قالانىڭ مەترو جەلىسىن كەڭەيتۋگە ارنالعان ينفراقۇرىلىمدىق جوبالاردى قارجىلاندىرۋ. ەربولات دوسايەۆ ەكىجاقتى ىنتىماقتاستىقتىڭ ماڭىزدىلىعىن اتاپ ءوتىپ، قارجىلاندىرۋ شارتتارىن تالقىلاۋعا دايىن ەكەنىن ءبىلدىردى. ۆان چۋنين بانكتىڭ قازاقستاندا 16 جىلدىق تاجىريبەسى بار ەكەنىن ايتىپ، جول-كولىك ينفراقۇرىلىمى سالاسىنداعى جوبالاردى قولداۋعا دايىن ەكەنىن جەتكىزدى. تاراپتار سەرىكتەستىكتى نىعايتۋ ءۇشىن بىرلەسكەن جۇمىستى جالعاستىرۋعا نيەت ءبىلدىردى. China Exim Bank (جۇڭگو ەكسيمبانكى) سىرتقى ساۋدانى، ينۆەستيسيالاردى جانە حالىقارالىق ەكونوميكالىق ىنتىماقتاستىقتى قولداۋمەن اينالىسادى. ونىڭ الەمنىڭ ءارتۇرلى ەلدەرىندە وكىلدىگى مەن بولىمشەسى بار.
