مەرەكە قارساڭىندا الماتى مەملەكەتتىك سيرك ۇجىمى دا اشىق اسپان استىندا كوڭىلدى ءىس-شارا وتكىزدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
عيمارات الدىنا ساحنا قۇرىلىپ، ۇلكەن گابوريتتى قۇرىلعىلارمەن بەزەندىرىلدى. اكروباتتار ءقاۋىپ پەن قاتەرگە تولى تريۋكتەر ىستەپ، كوپشىلىكتىڭ قوشەمەتىنە بولەندى. ۇجىم ارتىستەرى مەن سيقىرشىلار ونەر كورسەتىپ، كورەرمەندى تاڭقالدىردى. كۇلدىرگى سايقىمازاقتار بالالارمەن ويىن ويناپ، كوڭىلىن اۋلادى. سيرك اكىمشىلىگى مۇنداي ەرەكشە فورماتتاعى شوۋ الماتىلىقتارعا العاش رەت ۇسىنىلىپ وتىر دەيدى.
«الداعى ۋاقىتتا قازان مەن قاراشادا «ساننىي شوۋ» دەپ اتالاتىنقويىلىمدى جوسپارلاپ وتىرمىز. قالا تۇرعىندارىن شاقىرامىز. وتە جوعارى دەڭگەيدە جاقسى شوۋ بولادى دەپ جوسپارلاپ وتىرمىز»، – دەدى قازاق مەملەكەتتىك سيركىنىڭ ديرەكتورى ماقسات جايىقوۆ.