قالالىق مەملەكەتتىك كىرىستەر ورگاندارىندا 300 مىڭنان استام كاسىپكەرلىك سۋبەكتىلەرى تىركەلگەن
وڭىرلىك كوممۋنيكاسيالار قىزمەتىنىڭ الاڭىندا الماتى قالاسى مەملەكەتتىك كىرىستەر دەپارتامەنتى مەملەكەتتىك قىزمەتتەر باسقارماسىنىڭ باسشىسى باقتىگۇل سەيتوۆا ءسوز سويلەدى. ول بيۋدجەتتى تولىقتىرۋمەن قاتار، مەملەكەتتىك كىرىستەر ورگاندارىنىڭ باسىم مىندەتتەرىنىڭ ءبىرى مەملەكەتتىك قىزمەتتەردىڭ ساپاسىن قامتاماسىز ەتۋ بولىپ تابىلاتىنىن اتاپ ءوتتى، دەپ حابارلايدى اlmaty-akshamy.kz.
ب.سەيتوۆانىڭ ايتۋىنشا، قالالىق مەملەكەتتىك كىرىستەر ورگاندارىندا 300 مىڭنان استام كاسىپكەرلىك سۋبەكتىلەرى تىركەلگەن، بۇل دەگەنىڭىز - 1 990 630 سالىق تولەۋشى جەكە تۇلعا.
مەملەكەتتىك كىرىستەر ورگاندارى مەملەكەتتىك قىزمەتتەردىڭ 44 ءتۇرىن كورسەتەدى، ولاردىڭ باسىم بولىگى اۆتوماتتاندىرىلعان. قاعاز جۇزىندە تەك 4 قىزمەت قانا كورسەتىلەدى.
الماتى قالاسى بويىنشا مەملەكەتتىك كىرىستەر دەپارتامەنتىنىڭ حالىققا قىزمەت كورسەتۋ باسقارماسىنىڭ باسشىسى باقتىگۇل سەيتوۆا 2022 جىلدىڭ 7 ايىندا ولاردىڭ ماماندارى 1 959 973 قىزمەت كورسەتكەنىن، ونىڭ 1 940 876-سى نەمەسە 99،02%-ى ەلەكتروندى تۇردە ەكەنىن ايتتى.
«ءبىزدىڭ مىندەتىمىز – قاشىقتان فورماتتا ساپالى جانە ۋاقىتىلى مەملەكەتتىك قىزمەت كورسەتۋ. بۇل ءۇشىن ەلەكتروندى مەملەكەتتىك قىزمەتتەردىڭ سانى ارتىپ كەلەدى. سونىمەن قاتار، بۇل دا - كورسەتىلەتىن قىزمەتتى الۋشى مەن قىزمەت كورسەتۋشى اراسىنداعى بايلانىستى مۇمكىندىگىنشە بولدىرماي، سىبايلاس جەمقورلىققا قارسى ءىس-قيمىلدىڭ ماڭىزدى اسپەكتىسى»، - دەدى وكق سپيكەرى.
قاعاز اينالىمىن جانە جەلىدەن تىس كەلۋدى ازايتۋ ءۇشىن ءبولىم ومىرلىك جاعدايلاردى جانە قيىندىق تۋدىراتىن جانە ءۇشىنشى تۇلعالارعا قولدانىلاتىن جاعدايلاردى ەسكەرە وتىرىپ، كورسەتىلەتىن قىزمەتتى الۋشىلارعا مەملەكەتتىك قىزمەتتى الۋ بويىنشا قىسقاشا نۇسقاۋلىقتار ازىرلەدى.
«توقسان سايىنعى نەگىزدە سالىق تولەۋشىلەرگە ەلەكتروندىق پوشتانىڭ مەكەنجايلارى مەن What' ѕ ارر نومىرلەرى بويىنشا سالىق ەسەپتىلىگىن الدىن الا ۇسىنۋ تۋرالى اقپاراتتىق حاتتار جىبەرىلەدى. ءبىز جۇرگىزگەن ساۋالناماعا سايكەس، ازاماتتاردىڭ باسىم بولىگى الەۋمەتتىك جەلىلەردەن اقپارات الادى»، - دەپ جالعاستىردى ۆەدومستۆو باسشىسى.
بۇدان وزگە، سالىق ورگاندارىنىڭ ماماندارى سالىق تولەۋشىلەردىڭ ەلەكتروندىق مەكەنجايلارىنا سالىق مىندەتتەمەلەرىن ورىنداۋ قاجەتتىگى تۋرالى اقپارات جىبەرەدى.
الماتىدا سالىق تولەۋشىلەرگە قىزمەت كورسەتۋدى جاقسارتۋدىڭ كەلەسى قادامى مەملەكەتتىك قىزمەتتەردى جىلدام ءارى وڭاي كورسەتۋگە مۇمكىندىك بەرەتىن ءموبيلدى ورتالىقتار – «ءموبيلدى كەڭسە» قىزمەتىن ەنگىزۋ بولدى. ءموبيلدى كەڭسە قىزمەت كورسەتۋ ورتالىعىنىڭ، وزىنە-وزى قىزمەت كورسەتۋ تەرمينالىنىڭ فۋنكسيونالدىعىن جانە بانكتىڭ كاسسالىق پۋنكتىندە تولەمدەردى قابىلداۋ فۋنكسياسىن بىرىكتىرەدى.
بريفينگ سوڭىندا باقتىگۇل سەيتوۆا وسى جىلى الماتى قالاسىنىڭ اۋداندىق مەملەكەتتىك كىرىستەر باسقارمالارىندا قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىمەن بىرلەسىپ مەملەكەتتىك قىزمەتتەردى الۋ كەزىندە قولداۋ جانە كومەك كورسەتۋ بويىنشا Qoldau اكسياسى وتكىزىلگەنىن اتاپ ءوتتى. 4000-عا جۋىق ادام سۇراقتارعا جاۋاپ الدى.