قالاداعى بارلىق 207 مەكتەپتە 4 414 بەينەباقىلاۋ كامەراسى ورناتىلدى
بۇل تۋرالى الماتى قالالىق پوليسيا دەپارتامەنتىنىڭ باسشىسى قانات تايمەردەنوۆ پد كونسۋلتاتيۆتىك-كەڭەسشى ورگانىندا وتكەن جيىندا ءمالىم ەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«رەسەي فەدەراسياسىنىڭ قازان جانە پەرم قالالارىندا بولعان قايعىلى وقيعالاردى بارلىعى بىلەدى. بالالاردىڭ قاۋىپسىزدىگىن قامتاماسىز ەتۋ ماقساتىندا ءبىلىم بەرۋ مەكەمەلەرىندە الدىن الۋ شارالارى كۇشەيتىلدى. بۇگىنگى تاڭدا قالاداعى بارلىق 207 مەكتەپتە 4 414 بەينەباقىلاۋ كامەراسى ورناتىلدى، ونىڭ 2 620-سى جەدەل باسقارۋ ورتالىعىنا قوسىلعان. قالعاندارى جاقىن ارادا قوسىلادى. سونىمەن قاتار، ءبىلىم بەرۋ ۇيىمدارىندا جۇرگىزىلگەن تەكسەرىس، قالانىڭ بارلىق مەكتەپتەرىندە كۇزەت اگەنتتىگىنە حابار بەرەتىن دابىل تۇيمەلەرى ورناتىلعانىن جانە جۇمىس ىستەپ تۇرعانىن كورسەتتى»، – دەدى قانات تايمەردەنوۆ.
سونداي-اق، ءبىلىم بەرۋ مەكەمەلەرى دابىل قۇرىلعىلارىمەن جابدىقتالعان، ولاردا داۋىس زورايتقىش بايلانىس جۇيەسى دە بار، ءبىلىم بەرۋ ۇيىمدارىنىڭ اكىمشىلىك عيماراتتارىنا كىرۋدى باقىلاۋ جانە باسقارۋ ءۇشىن قوندىرعىلار ورناتىلعان. سونىمەن قاتار، 150 مەكتەپكە دەيىنگى ءبىلىم بەرۋ مەكەمەسى بەينەباقىلاۋ جۇيەسىمەن جابدىقتالعان.
اقپارات كوزى Polisia.kz سايتىندا: https://polisia.kz/almaty-mektepterindegi-kameralar-politsiyagha-qosyldy/