تاۋەلسىزدىك مەرەكەسى قارساڭىندا الماتى قالاسىنىڭ ءبىلىم باسقارماسىنا قاراستى 215 مەكتەپتە اۋقىمدى ءىس-شارالار كەشەنى ۇيىمداستىرىلدى. مەكتەپتەردە مەرەيلى مەرەكەگە ارنالعان سىنىپ ساعاتتارى مەن اشىق ساباقتار ءوتىپ، كورمەلەر مەن كونسەرتتىك باعدارلامالار وتكىزىلدى.
تاعىلىمعا تولى ءىس-شارالاردىڭ ماقساتى - وقۋشىلاردىڭ ەلىن، جەرىن ءسۇيىپ، تاريحىن قۇرمەتتەۋگە باعىتتاۋ، ەل ەگەمەندىگى تۋرالى جان-جاقسى تۇسىنىك بەرۋ.
وسى ماقساتتا ءبىلىم مەكەمەلەرىندە «تاۋەلىزدىك – ەلىمنىڭ ەرلىك جولى»، «تاۋەلسىزدىك – التىن تۇعىرىم!»، «تاۋەلسىزدىك - تىرەگىم، ەلىم دەپ سوقسىن جۇرەگىم..» تاقىرىپتارىندا تاربيە ساعاتتارى، ادەبي-مۋزىكالىق كەشتەر جانە تانىمال تۇلعالارمەن كەزدەسۋلەر دە ۇيىمداستىرىلدى. بەلگىلى كومپوزيتور امانعازى كارىپجاننىڭ قاتىسۋمەن مۋزىكالىق كەش، قۇرمانعازى اتىنداعى قازاق ۇلتتىق كونسەرۆاتورياسىندا «حالىق ءانى» كافەدراسىنىڭ وقىتۋشىلارى، حالىق ارتىستەرى مەن قازاقستاننىڭ ەڭبەك سىڭىرگەن قايراتكەرلەرىنىڭ قاتىسۋىمەن ادەبي-سازدى كەش ءوتتى.
تاۋەلسىز ەلىم-كەڭ بايتاق جەرىم» تاقىرىبىندا چەللەندج ءوتتى.ۇستازدار وقۋشىلارعا قاسيەتتى مەرەكەنىڭ ءمان-ماعىناسىن، ماڭىزدىلىعىن، ماڭگىلىك قۇندىلىعىن ءتۇسىندىردى.
ەگەمەن ەلىمىزدىڭ تاريحي جەتىستىتەرى ءسوز بولعان ءىس-شارالارعا وقۋشىلار دا بار ىنتاسىمەن قاتىسىپ، جوعارى دارەجەدەگى دايىندىقتارىن كورسەتتى.
سونىمەن قاتار مەرەكە قارساڭىندا «ۇستاز بارىسى - 2023» قالالىق ءتۋرنيرى ءوتت ءى. جارىسقا جالپى سانى 64 ۇستاز قاتىسىپ، بوز كىلەمدە شەبەرلىكتەرىن شىڭدادى. شارادا سالاۋاتتى ءومىر سالتى ناسيحاتتالىپ، ۇستازدار اراسىندا قازاق كۇرەسى كەڭىنەن ناسيحاتتالدى.
جالپى قالانىڭ ءبىلىم بەرۋ ۇيىمدارىندا تاۋەلسىزدىك مەرەكەسىن ۇلىقتايتىن ءىس-شارالار جوعارى دەڭگەيدە ۇيىمداستىرىلىپ، وقۋشىلار مەن ۇستازدار بەلسەندىلىك تانىتتى.
