قالانىڭ 313 مەكتەبىندە وقۋ جىلىنىڭ اياقتالۋىنا وراي سالتاناتتى جيىندار ءوتتى. بيىلعى جىلى مەكتەپتەردى 14 مىڭنان استام تۇلەك ءبىتىردى، ونىڭ ىشىندە 424 وقۋشى «التىن بەلگىگە»، 975 وقۋشى ۇزدىك اتتەستاتقا ۇمىتكەر، دەپ حابارلايدى almaty-akshamy.kz
بيىل 5 ماۋسىم مەن 30 تامىز ارالىعىندا وقۋشىلارعا قوسىمشا ءبىلىم بەرۋ ۇيىمداستىرىلادى. ءبىلىم بەرۋ ساپاسىن ارتتىرۋ ماقساتىندا سەكسيالار، كلۋبتار، ۇيىرمەلەر، ەڭبەك توپتارى، ەكسكۋرسيالار جانە ت.ب. شارالار قاراستىرىلعان.
9، 11 سىنىپ وقۋشىلارىنىڭ قورىتىندى مەملەكەتتىك ەمتيحاندارى بەكىتىلگەن كەستەگە سايكەس وتكىزىلەدى. 9-سىنىپتاردا 2-13 ماۋسىم ارالىعىندا، 11-سىنىپتاردا 5-19 ماۋسىم ارالىعىندا. 11-سىنىپ تۇلەكتەرى قازاقستان تاريحى بويىنشا ەمتيحاندى اۋىزشا تاپسىرادى.
ەسكە سالساق، ۇبت جىلىنا 4 رەت (قاڭتار-اقپان، ناۋرىز، مامىر-شىلدە، تامىز) وتكىزىلەدى. تالاپكەرلەرگە ۇلتتىق ءبىرىڭعاي تەستىلەۋ تاپسىرۋعا جانە گرانتقا تۇسۋگە ەكى مۇمكىندىك بەرىلەدى. ەكى مۇمكىندىكتە دە بەيىندىك پاندەردىڭ ءبىر عانا كومبيناسياسىن تاڭداۋعا بولادى. ۇلتتىق ءبىرىڭعاي تەستىلەۋ ءال-فارابي اتىنداعى قازۇۋ-دا 18 مامىردان باستالىپ، 5 شىلدەدە اياقتالادى.
