الماتى مەكتەپتەرىندە بالالاردىڭ پسيحولوگيالىق قاۋىپسىزدىگىن قامتاماسىز ەتۋگە باعىتتالعان جاڭا باعدارلامالار ەنگىزىلۋدە، دەپ حابارلايدى aqshamnews.kz
الماتى قالاسىندا بالالاردى زورلىق-زومبىلىقتان قورعاۋ، ءسۋيسيدتىڭ الدىن الۋ جانە ولاردىڭ قۇقىقتارىن قورعاۋعا ارنالعان 2023-2025 جىلدارعا ارنالعان كەشەندى جوسپار اياسىندا مەكتەپتەردە پسيحولوگيالىق قاۋىپسىزدىكتى قامتاماسىز ەتۋ ماقساتىندا جاڭا وزىق باعدارلامالار ەنگىزىلۋدە.
2023-2024 وقۋ جىلىندا № 209 جانە 117 مەكتەپتەردە «KiVa» انتيبۋللينگتىك باعدارلاماسى ءساتتى پيلوتتىق جوبا رەتىندە ىسكە قوسىلدى. بۇل باعدارلاما وقۋشىلار اراسىندا بۋللينگتىڭ الدىن الۋ جانە جويۋعا باعىتتالعان، جانە بىرنەشە دەڭگەيدە جۇمىس ىستەي وتىرىپ، جانجالداردى شەشۋ جولدارىن قامتيدى.
سونىمەن قاتار، قالانىڭ التى پيلوتتىق مەكتەبى «دوسبولLIKE» باعدارلاماسىن جۇزەگە اسىرۋدا. باعدارلاما 1-11 سىنىپ وقۋشىلارىن قامتيدى جانە مەكتەپتەردە ءقاۋىپسىز جانە قولداۋ كورسەتەتىن ورتا قۇرۋعا ىقپال ەتەتىن الەۋمەتتىك-ەموسيونالدى داعدىلاردى دامىتۋعا باعىتتالعان. باعدارلاما اياسىندا مەكتەپ پەداگوگتەرى ءۇشىن بۋللينگتىڭ الدىن الۋ بويىنشا سەمينارلار وتكىزىلىپ، وقۋشىلاردىڭ جاۋاپكەرشىلىگىن ارتتىرۋعا جانە دەنساۋلىعىن نىعايتۋعا باعىتتالعان ادىستەمەلىك ۇسىنىمدار ازىرلەندى.