الماتى قالاسى كۇنىنە وراي Apple Fest فەستيۆالى اياسىندا 1700 ليتر الما كومپوتىن دايىندادى. بۇل ناتيجەگە فەستيۆال تاريحىندا العاش رەت قول جەتكىزىلدى جانە گيننەستىڭ رەكوردتار كىتابىنا ەنگىزىلدى.
سۋسىن ساتۋدان تۇسكەن قاراجات قالا ساياباقتارى ءۇشىن قۇس ۇيلەرىن، قورەكتەندىرگىشتەردى، اعاش كوشەتتەرى مەن بۇتالاردى ساتىپ الۋعا باعىتتالادى.
بيىلعى جىلى 50 الماتىلىق باۋ-باقشا شارۋاشىلىعى 130 توننادان استام الما، سونىڭ ىشىندە تانىمال «اپورت» سورتىن اكەلدى. ساياباق اۋماعىندا شاپيتو سيركى ورنالاسقان، ونىڭ كۇمبەزىنىڭ استىندا «كۋرەز» كلوۋن كۆارتەتى، تاياقتارداعى ەكۆيليبر، ەفيوپيادانييكاريا ويىندارى بار قارا بۇركىتتەر كومانداسى، روليكتى اكروباتتار، ارقانمەن جۇرۋشىلەر، سونداي-اق ۇيرەتىلگەن جىلقىلار مەن يتتەر بار.
ايتا كەتەيىك، ساياباق اۋماعىنداعى سيرك ءوز جۇمىسىن 25 قىركۇيەككە دەيىن جالعاستىرادى. سيرك قويىلىمدارىنان باسقا بارلىق كونسەرتتەر مەن اتتراكسيوندارعا مۇلدەم تەگىن بارۋعا بولادى.
فەستيۆالدىڭ باستى ساحناسىندا Republic بي ۇجىمى، ءانشى تولقىن زابيروۆا، Sopranova جانە Umberto project توپتارى، قازاقستاننىڭ حالىق ءارتىسى روزا رىمبايەۆا، ەڭبەك سىڭىرگەن ءارتىس باقتيار تايلاقبايەۆ جانە قالانىڭ ەسترادالىق-سيمفونيالىق وركەسترى ونەر كورسەتتى. كونسەرتتى Steppe Sons ەتنوگرۋپپاسى، Umberto project، «اسۋ» توبى، ديماش داۋلەتوۆ، Kyle Ruh، داۋرەن بايبوري، ەرنازار جۇبان، باۋىرجان مۋسين، ديانا يسمايلوۆا جانە باسقا دا ارتىستەر جالعاستىردى.
فەستيۆال كەزىندە ساياباقتىڭ اۋماعى تاقىرىپتىق ايماقتارعا ءبولىندى: باقشا يننوۆاسيالارى الاڭىنىڭ اۋماعىندا قوناقتارعا الماتىدا كوگالداندىرۋدا يننوۆاسيالىق تاسىلدەر قالاي قولدانىلاتىنىن كورسەتتى، ال گۇل عاجايىپتارى بۋلۆارى ورتاق باققا ۇقسادى.
سونداي-اق الما، قولونەرشىلەر، قولونەر بۇيىمدارىنىڭ اۋقىمدى جارمەڭكەسى، ەلشىلىكتەر اللەياسى، باۋ-باقشا جابدىقتارى جارمەڭكەسى جانە باسقا دا ءىس-شارالار ۇيىمداستىرىلدى. كۇنى بويى فەستيۆال قوناقتارى قازاق كينوسىنىڭ التىن قورىنان فيلمدەر كورە الدى.
بيىلعى جىلى Apple Fest فەستيۆالى قالا تۇرعىندارى مەن قوناقتارىنا ءوزىنىڭ اۋقىمدى مادەني باعدارلاماسىمەن عانا ەمەس، بىرەگەي جەتىستىكتەرىمەن دە ۇزاق ۋاقىت ەستە قالادى.