الماتىعا 60 ەلدەن 1 400 جۇگىرۋشى ماۋسىمنىڭ ەڭ ءىرى جارىسىنا كەلدى. بۇل 14 جىل ىشىندە مارافون تاريحىنداعى شەتەلدىك قاتىسۋشىلار سانى جونىنەن رەكورد جاڭارتتى.
ايتا كەتەيىك، Almaty Marathon الماتى قالاسى اكىمدىگىنىڭ قولداۋىمەن ءوتتى.
Almaty Marathon 2025 رەكوردتىق تۇردە 16 149 قاتىسۋشىنى جينادى. جۇگىرۋشىلەردىڭ كوپشىلىگى جەرگىلىكتى تۇرعىندار (14 785)، ءبىراق باسقا قالالار مەن ەلدەردەن كەلگەن قاتىسۋشىلاردىڭ ۇلەسى جىل سايىن ارتىپ كەلەدى. بيىل 1 383 شەتەلدىك (قاتىسۋشىلاردىڭ 8 پايىزدان استامى) مارافونعا ارنايى كەلدى. مارافونعا قاتىسقان ۇزدىك 3 ەل: رەسەي (513)، قىرعىزستان (180) جانە جۇڭگو (142). ءىس-شاراعا ازيا جانە تىنىق مۇحيت وڭىرىنەن (226)، ەۋروپا (166)، سولتۇستىك جانە لاتىن امەريكاسى (40)، افريكا (3) جانە تاياۋ شىعىس (93) ايماقتارىنىڭ ازاماتتارى قاتىستى.
«Almaty Marathon سياقتى ءىس-شارالار حالىقارالىق سەرتيفيكاتتار، جاقسى ينفراقۇرىلىم جانە جەرگىلىكتى بىرەگەي كورىكتى جەرلەر تۋريستەردى تارتادى. 2019-2023 جىلدارداعى Almaty Marathon ساراپتامالىق زەرتتەۋىنە سايكەس، 1000 قاتىسۋشى 7،9 ملن تەڭگەگە ساتىلىم جاسادى. بۇل سومانىڭ 39%، اقشانى مارافونعا كەلگەن تۋريستەر جۇمسايدى، ولاردىڭ 79،3%-ى قايتا ورالۋدى جوسپارلاپ وتىر»،- دەدى «ءبىرىنشى بولۋ باتىلدىق» قورى قامقورشىلىق كەڭەسىنىڭ ءتوراعاسى عالىمجان ەسەنوۆ.
مارافون سونىمەن قاتار ەكونوميكانىڭ دامۋىنا سەرپىن بەرەدى. Almaty Marathon سەرىكتەستەرىنىڭ سالىق اۋدارىمدارى 4 جىل ىشىندە 318،9 ملن تەڭگەدەن 873،9 ملن تەڭگەگە دەيىن ءوستى. ءىرى سپورتتىق ءىس-شارا وتكىزىلگەن جىلدارى قالادا جاڭا شوب نىساندارى مەن جۇمىس ورىندارى اشىلدى.